Bellamkonda Sreenivas : పెళ్లి పీటలెక్కబోతున్న బెల్లంకొండ శ్రీనివాస్ ?

మెగా మాస్ యాక్షన్ సినిమాలతో తనకంటూ ప్రత్యేక గుర్తింపు తెచ్చుకున్న బెల్లంకొండ సాయి శ్రీనివాస్, తన వ్యక్తిగత జీవితంలో ఒక ముఖ్యమైన అడుగు వేయబోతున్నారు. ఫిల్మ్ నగర్ వర్గాల సమాచారం ప్రకారం, మార్చి 8న ఆయన నిశ్చితార్థం (Engagement) జరగనుంది. గత కొన్నేళ్లుగా ఒక అమ్మాయితో ప్రేమలో ఉన్న శ్రీనివాస్, పెద్దల అంగీకారంతో ఇప్పుడు తన బంధాన్ని అధికారికం చేసుకోబోతున్నారు.

Also Read : Avika Gor : తల్లి కాబోతున్న ‘చిన్నారి పెళ్లికూతురు’? వైరల్ అవుతున్న అవికా గోర్ లేటెస్ట్ వీడియో!

కాగా ఈ వేడుక కేవలం కుటుంబ సభ్యులు, అత్యంత సన్నిహితుల సమక్షంలోనే చాలా ప్రైవేట్‌గా జరగనుందని తెలుస్తోంది. టాలీవుడ్‌కు చెందిన కొద్దిమంది సన్నిహిత మిత్రులు మాత్రమే ఈ కార్యక్రమానికి హాజరయ్యే అవకాశం ఉంది. వధువుకు సంబంధించిన వివరాలను ప్రస్తుతానికి గోప్యంగా ఉంచినప్పటికీ, ఇది ప్రేమ వివాహం అని సన్నిహిత వర్గాలు ధృవీకరిస్తున్నాయి. శ్రీనివాస్ ఆ అమ్మాయి గత కొన్నాళ్లుగా ఒకరికొకరు సుపరిచితులని, ఒకరినొకరు పూర్తిగా అర్థం చేసుకున్న తర్వాతే పెళ్లి నిర్ణయం తీసుకున్నారని సమాచారం. ఈ వార్త బయటకు రావడంతో బెల్లంకొండ అభిమానులు సోషల్ మీడియా వేదికగా ఆయనకు శుభాకాంక్షలు తెలుపుతున్నారు. త్వరలోనే ఒక అధికారిక ప్రకటన చేసే అవకాశం ఉంది.