Satyabhama: కాజల్ కోసం బాలయ్య.. ట్రైలర్ లాంచ్ ఈవెంట్ ఎప్పుడంటే..?

టాలీవుడ్ బ్యూటిఫుల్ హీరోయిన్ కాజల్ సెకండ్ ఇన్నింగ్ స్టార్ట్ చేసింది.. భగవంత్ కేసరి సినిమాతో రీ ఎంట్రీ ఇచ్చింది. ఇప్పుడు వరుస సినిమాలను లైన్లో పెడుతుంది.. ప్రస్తుతం సత్యభామ సినిమాతో ప్రేక్షకుల ముందుకు రాబోతుంది. లేడీ ఓరియెంటెడ్ మూవీగా తెరకెక్కుతున్న ఈ సినిమాకి సుమన్ చిక్కాల దర్శకత్వం వహిస్తున్నారు.. ఈ సినిమా ట్రైలర్ ను త్వరలోనే విడుదల చెయ్యనున్నట్లు మేకర్స్ ప్రకటించిన సంగతి తెలిసిందే.. తాజాగా ఈ సినిమా నుంచి క్రేజీ అప్డేట్ వచ్చేసింది..

ఈ సినిమా ట్రైలర్ ఈవెంట్ ను 24న గ్రాండ్ గా నిర్వహించనున్నారు. ఈ ఈవెంట్ కు ముఖ్య అతిధిగా బాలయ్య రాబోతున్నట్లు తెలుస్తుంది. ఆ రోజు సాయంత్రం 6.30 గంటలకు హైదరాబాద్‌లోని ఐటీసీ కోహెనూర్‌లో నిర్వహించనున్నట్లు మేకర్స్ ప్రకటించారు.. కాజల్ తో భగవంత్ కేసరి సినిమా చేశారు బాలయ్య.. బాలయ్య రాబోతుండటంతో ఈవెంట్ కోసం ఫ్యాన్స్ ఆసక్తిగా వెయిట్ చేస్తున్నారు.

ఇదిలా ఉండగా.. ఈ సినిమా నుంచి ఇప్పటికే విడుదలైన పాటలకు ప్రేక్షకుల నుంచి మంచి స్పందన వచ్చింది. క్రైమ్ సస్పెన్స్ థ్రిల్లర్ గా వస్తున్న హీరో నవీన్ చంద్ర ప్రధాన పాత్రలో కనిపిస్తున్నారు.. ఇక ఈ చిత్రంలో ప్రకాష్ రాజ్, నాగినీడు, హర్షవర్ధన్ తదితరులు ముఖ్య పాత్రలు పోషించారు.. అవురమ్ ఆర్ట్స్ పతాకంపై బాబీ తిక్క, శ్రీనివాసరావు తక్కలపల్లి నిర్మిస్తున్నారు. ఈ చిత్రం మే 31 ప్రేక్షకుల ముందుకు రానుంది..