నందమూరి నటసింహం బాలయ్య నటించిన భగవంత్ కేసరి హ్యాట్రిక్ విజయాన్ని అందుకుంది.. అనిల్ రావీపూడి దర్శకత్వంలో ఈ సినిమా తెరకేక్కింది.. యంగ్ హీరోలు కూడా బాలయ్య దాటికి విలవిల్లాడిపోతున్నారు. వరుసగా మూడు సినిమాలు 100 కోట్ల కలెక్షన్ మార్క్ దాటటంతో.. బాలయ్యతో పాన్ ఇండియా సినిమాలు ప్లాన్ చేస్తున్నారు స్టార్ డైరెక్టర్లు ఇకపోతే ఈక్రమంలో.. పుష్ప డైరెక్టర్ సుకుమార్ తో బాలయ్య సినిమా అంటూ రకరకాల ఊహాగానాలు వినిపిస్తున్నాయి.. గత కొద్ది రోజులుగా సోషల్ మీడియాలో ఈ విషయం పై గత కొద్ది రోజులుగా పెద్ద చర్చే జరుగుతుంది..
ప్రస్తుతం ఈ లెక్కల మాస్టర్ పుష్ప సీక్వెల్, పుష్ప 2 సినిమాను తెరకేక్కిస్తున్నారు.. పుష్ప సినిమా టైమ్ లో కూడా బాలయ్య తో సుకుమార్ సినిమా అంటూ వార్తలు హల్ చల్ చేశాయి. కాని ఇప్పటి వరకూ దానిపై ఎటువంటి అఫీషియల్ అనౌన్స్ మెంట్ రాలేదు.. ఇప్పుడు మరోసారి ఆ వార్తలు సోషల్ మీడియాలో తెగ వైరల్ అవుతున్నాయి.. అటు సుక్కు, బాలయ్య బాబు ఈ విషయం పై స్పందించలేదు.. స్టార్ హీరో బాలయ్య 110వ సినిమాగా సుకుమార్ పాన్ ఇండియా ప్రాజెక్ట్ స్టార్ట్ అవుతున్నాయి అని వార్తలు వస్తున్నాయి. బాలయ్య సుకుమార్ కాంబినేషన్ లో సినిమా అంటే బడ్జెట్ కూడా భారీగా ఉంటుందని సమాచారం..
అయితే ప్రస్తుతం బాలయ్య చేతిలో మరో రెండు ప్రాజెక్ట్స్ ఉన్నాయి. అవి అన్ని పూర్తి అయిన తర్వాత మరో సినిమాకు గ్రీన్ సిగ్నల్ ఇస్తారని సమాచారం.. సుకుమార్ ఇప్పటికే ప్రకటించిన సినిమాలను పూర్తి చేయాలంటే 3 నుంచి 5 సంవత్సరాల సమయం పట్టే అవకాశం ఉంది. ఇక ఈలోపు బాలయ్య కూడా తను కమిట్ అయిన రెండు మూడు సినిమాలు కంప్లీట్ చేస్తారట.. బాబీ డైరెక్షన్ లో బాలయ్య సినిమా చేస్తున్నాడు.. ఆ తర్వాత మరో రెండు సినిమాలు లైన్ లో ఉన్నాయి..