ASUS: Zenbook S16, Zenbook, Vivobook సిరీస్లలో కొత్త ల్యాప్టాప్లు విడుదల.. ఏఐ ఫీచర్స్, AMD రైజెన్ AI ప్రాసెసర్
- Zenbook S16, Zenbook, Vivobook సిరీస్లలో కొత్త ల్యాప్టాప్లు విడుదల
- ప్రీ-బుకింగ్లను ప్రారంభించింది
- AMD రైజెన్ AI ప్రాసెసర్లతో
ASUS భారత మార్కెట్లో కొత్త ల్యాప్టాప్లను విడుదల చేసింది. కంపెనీ Zenbook S16, Zenbook సిరీస్, Vivobook సిరీస్లలో కొత్త ల్యాప్టాప్లను విడుదల చేసింది. ఇవి AMD రైజెన్ AI ప్రాసెసర్లతో వస్తాయి. ASUS తన తాజా ల్యాప్టాప్ల కోసం ప్రీ-బుకింగ్లను ప్రారంభించింది. ఈ ల్యాప్టాప్ల ధర,ఫీచర్లను కంపెనీ వెల్లడించింది. ఈ ప్రొడక్ట్స్ ను AI- అసిస్టెడ్ ప్రొడక్టివిటీ, మల్టీ టాస్కింగ్, క్రియేటివ్ వర్క్ లోడ్స్, రోజువారీ కంప్యూటింగ్ అవసరాలను దృష్టిలో ఉంచుకుని రూపొందించామని బ్రాండ్ చెబుతోంది.
ASUS Zenbook S16 AMD Ryzen AI 9 465 ప్రాసెసర్ ద్వారా శక్తిని పొందుతుంది. ఇది Copilot+ PC సామర్థ్యం, ASUS AI అప్లికేషన్లతో వస్తుంది. 1.5 కిలోగ్రాముల బరువున్న ఈ ల్యాప్టాప్ పూర్తిగా మెటల్ ఛాసిస్ను కలిగి ఉంది. ఇది 120Hz రిఫ్రెష్ రేట్కు మద్దతుతో 16-అంగుళాల OLED డిస్ప్లేను కలిగి ఉంది. కంపెనీ ప్రకారం, ఈ హ్యాండ్ సెట్ 23 గంటల బ్యాటరీ లైఫ్ ను అందిస్తుంది.
జెన్బుక్ 14 AMD రైజెన్ AI 5 430 ప్రాసెసర్తో పనిచేస్తుంది. ఇది 14-అంగుళాల FHD+ OLED టచ్స్క్రీన్ డిస్ప్లేను కలిగి ఉంది. ఈ ల్యాప్టాప్ ఒక్కసారి ఛార్జ్ చేస్తే 25 గంటల బ్యాటరీ లైఫ్ లభిస్తుందని బ్రాండ్ పేర్కొంది. అదనంగా, కంపెనీ Vivobook S16 ను ప్రవేశపెట్టింది, ఇది AMD Ryzen AI 400 ప్రాసెసర్తో వస్తుంది. ఇది Copilot+ PC ఫీచర్ను అందిస్తుంది. ఈ పరికరం FHD+ OLED డిస్ప్లేను కలిగి ఉంది. ఒక్కసారి ఛార్జ్ చేస్తే 23 గంటల వరకు ఉంటుంది. అదనంగా, కంపెనీ Vivobook 16, Vivobook 15, ఇతర మోడళ్లను విడుదల చేసింది. అవన్నీ వివిధ సామర్థ్యాలతో AMD రైజెన్ ప్రాసెసర్లను కలిగి ఉన్నాయి. వీటిలో SSD స్టోరేజ్ కూడా ఉంది.
Also Read:Srinagar: పాక్లో మసీద్పై దాడిని నిరసిస్తూ శ్రీనగర్లో నిరసనలు.. భారీ ర్యాలీలు
ధర ఎంత?
ఈ మోడళ్లన్నీ ఫిబ్రవరి 12 నుండి కొనుగోలుకు అందుబాటులో ఉంటాయి. అయితే, ASUS Vivobook 16 మార్చిలో అందుబాటులో ఉంటుంది. Zenbook S16 ధర రూ.1,69,990 కాగా, Zenbook 14 ధర రూ.1,15,990. Vivobook S16 ధర రూ.1,04,990 నుండి ప్రారంభమవుతుంది. Vivobook 16 ప్రారంభ ధర రూ.87,990 కు విడుదలైంది. Vivobook 15 ధర రూ.62,990 నుండి ప్రారంభమవుతుంది. ASUS Vivobook 16 (M1605NAQ) రూ.65,990 నుండి ప్రారంభమవుతుంది. ప్రీ-ఆర్డర్లు కేవలం రూ.1 కు రూ.5,599 తగ్గింపును అందిస్తాయి. ఈ ఆఫర్ ZenBook మోడళ్లకు వర్తిస్తుంది.