Archeologists find mummy surrounded by coca leaves on hilltop in Peru’s capital: పెరూవియన్ పురావస్తు శాస్త్రవేత్తలు లిమాలో సుమారు 3,000 సంవత్సరాల మమ్మీని కనుగొన్నారు. పెరూ రాజధానిలోని ఒక కొండపై కోకా ఆకులతో చుట్టుముట్టబడిన ప్రీ-హిస్పానిక్ మమ్మీని కనుగొన్నట్లు శాస్త్రవేత్తలు తెలిపారు. శాన్ మార్కోస్ యూనివర్శిటీకి చెందిన విద్యార్థులు, పరిశోధకులు ప్రారంభంలో తవ్వకంలో మమ్మీని వెలికితీసే ముందు జుట్టు, పుర్రె అవశేషాలను కనుగొన్నారు.
Also Read: Manipur Violence: మణిపూర్ లో మళ్లీ చెలరేగిన హింస.. ప్రజాప్రతినిధుల ఇళ్లకు నిప్పు..!
మమ్మీ బహుశా 1500బీసీ-1000బీసీ మధ్య లిమా లోయలలో అభివృద్ధి చెందిన మంచే సంస్కృతికి చెందినది అని పురావస్తు శాస్త్రవేత్త మిగ్యుల్ అగ్యిలర్ చెప్పారు. సూర్యోదయం వైపు చూపే యూ-ఆకారంలోని నిర్మించిన ఆలయాల నిర్మాణంతో సంబంధం కలిగి ఉంది. ధ్వంసమైన U-ఆకారపు మట్టి దేవాలయం పైన ఈ మమ్మీ ఖననం చేయబడింది. ఇది కొన్ని పూర్వ హిస్పానిక్ భవనాల లక్షణం. మమ్మీ వయస్సును నిర్ధారించడానికి రేడియోకార్బన్ డేటింగ్‌కు ఇంకా గురికాలేదని అగ్యిలర్ చెప్పారు. దాదాపు 3 వేల సంవత్సరాలు ఉంటుందని అంచనా వేసి చెప్పారు.
పురావస్తు శాస్త్రవేత్తలు మొక్కజొన్న, కోకా ఆకులు, విత్తనాలతో సహా శరీరంతో పాతిపెట్టిన ఇతర వస్తువులను వెలికితీశారు. అవి నైవేద్యంలో భాగమని వారు నమ్ముతున్నారు.