Arbaaz khan : రెండో పెళ్లి చేసుకున్న అర్బాజ్ ఖాన్.. ఫోటోలు వైరల్..

బాలీవుడ్ కండల వీరుడు సల్మాన్ ఖాన్ సోదరుడు అర్బాజ్ ఖాన్ రెండో పెళ్లి చేసుకున్నారు.. వివాహం ముంబయిలో నిరాడంబరంగా జరిగింది. అర్బాజ్ ఖాన్ తన స్నేహితురాలైన షురాఖాన్ ను వివాహం చేసుకున్నారు.. గత కొన్నేళ్లుగా వీరిద్దరూ ప్రేమించుకున్నారు.. ఎట్టకేలకు వివాహ బంధంతో ఒక్కటయ్యారు.. వీరి పెళ్లి ఫోటోలు సోషల్ మీడియాలో తెగ వైరల్ అవుతున్నాయి..

ముంబయిలోని అర్బాజ్ ఖాన్ సోదరి అర్పితాఖాన్ శర్మ నివాసంలో జరిగిన నికాహ్ వేడుకలో వీరిద్దరూ ఒకింటివారయ్యారు. అర్బాజ్ ఖాన్, షురాఖాన్ ను మొదటిసారి పాట్నా శుక్లా సెట్స్ లో కలిశారు.. ఈ పెళ్లికి సల్మాన్ ఖాన్, సోహైల్ ఖాన్, తల్లిదండ్రులు సలీం ఖాన్, సల్మా ఖాన్,కుమారుడు అర్హాన్ ఖాన్‌తో సహా మొత్తం కుటుంబం పాల్గొంది. వధువు షురా ఖాన్‌తో సన్నిహిత బంధాన్ని పంచుకున్న స్నేహితురాలు రవీనా టాండన్, ఆమె కుమార్తె రాషా టాండన్‌తో కలిసి ఈ వేడుకకు హాజరయ్యారు. ఫరా ఖాన్, రితీష్ దేశ్‌ముఖ్ తదితరులు హాజరైయారు..

అర్బాజ్ ఖాన్ గతంలో బాలీవుడ్ నటి మలైక అరోరాను పెళ్లి చేసుకున్నాడు.. 2016వ సంవత్సరం మార్చిలో విడిపోతున్నామని ప్రకటించారు. 1998వ సంవత్సరంలో వివాహం చేసుకున్న అర్బాజ్, మలైకా 19 సంవత్సరాల తర్వాత 2017 మే 11వ తేదీన వీరిద్దరూ విడాకులు తీసుకున్నట్లు ప్రకటించారు.. ఇక మలైకా అర్జున్ కపూర్ తో రిలేషన్ లో ఉన్నారు..