Gam Gam Ganesha : సైలెంట్ గా ఓటీటీలోకి వచ్చేసిన గం గం గణేశా..

Gam Gam Ganesha : రౌడీ హీరో విజయ్ దేవరకొండ తమ్ముడిగా ఆనంద్ దేవరకొండ “దొరసాని” సినిమాతో తెలుగు ప్రేక్షకుల ముందుకు వచ్చాడు.ఆ సినిమా అంతగా ఆకట్టుకోలేదు.ఈ సినిమా తరువాత ఆనంద్ నటించిన “మిడిల్ క్లాస్ మెలోడీస్ ” మంచి విజయం సాధించింది.గత ఏడాది రిలీజ్ అయిన బేబీ సినిమాతో ఆనంద్ దేవరకొండ బ్లాక్ బస్టర్ హిట్ అందుకున్నాడు.ఈ సినిమాలో ఆనంద్ ,విరాజ్ ,వైష్ణవి చైతన్య అద్భుతంగా నటించి మెప్పించారు.ఈ సినిమా తరువాత ఆనంద్ దేవరకొండ నటించిన లేటెస్ట్ మూవీ “గం గం గణేశా “ఉదయ్ బొమ్మిశెట్టి ఈ సినిమాకు దర్శకత్వం వహించగా హై లైఫ్ ఎంటర్టైన్మెంట్ బ్యానర్ లో కేదార్ శెలగం శెట్టి తో పాటు వంశీ కారుమంచి ఈ సినిమాను నిర్మించారు .

Read Also :Nayanthara : ఆ సినిమాలో నటించడం నా జీవితంలో చెత్త నిర్ణయం..

ఈ సినిమాలో ఆనంద్ దేవరకొండ సరసన ప్రగతి శ్రీవాస్తవ ,నయన్ సారిక హీరోయిన్లుగా నటించారు.టీజర్ ,పోస్టర్స్ ,ట్రైలర్ తో ప్రేక్షకులలో మంచి బజ్ క్రియేట్ చేసిన ఈ మూవీ మే 31 న గ్రాండ్ గా థియేటర్స్ లో రిలీజ్ అయింది.ఈ సినిమాకి ప్రేక్షకుల నుంచి పాజిటివ్ రెస్పాన్స్ లభించింది.కామెడీతో పాటు ట్విస్టులు కూడా ఉండటంతో ఈ సినిమాకు మంచి వసూళ్లు కూడా లభించాయి.థియేటర్ లో ఎంతగానో ఆకట్టుకున్న ఈ మూవీ ఇప్పుడు ఓటిటిలోకి వచ్చింది.ప్రముఖ ఓటిటి ప్లాట్ ఫామ్ అమెజాన్ ప్రైమ్ వీడియో ఈ సినిమా డిజిటల్ రైట్స్ కొనుగోలు చేసింది.అయితే ఎలాంటి ముందస్తు ప్రకటన లేకుండా ఈ సినిమా ఓటిటి ప్రేక్షకుల ముందుకు వచ్చింది.జూన్ 20 గురువారం అర్ధ రాత్రి నుంచి ఈ మూవీ ఓటిటిలో స్ట్రీమింగ్ అవుతుంది.