Ameesha patel : నటి అమిషా పటేల్ కు షాక్ ఇచ్చిన రాంచి సివిల్ కోర్ట్..

బాలీవుడ్ స్టార్ హీరోయిన్ అమీషా పటేల్ గురించి ప్రత్యేకంగా చెప్పాల్సిన పనిలేదు..అమిషా పటేల్ హృతిక్ రోషన్ హీరోగా నటించిన కహో నా ప్యార్ హై సినిమాతో హీరోయిన్ గా సినిమా ఇండస్ట్రీకీ పరిచయం అయింది.ఆ తరువాత బాలీవుడ్ లో ఎన్నో సూపర్ హిట్ సినిమాలలో నటించింది. అలాగే తెలుగులోకీ పవన్ కళ్యాణ్ హీరోగా నటించిన బద్రి సినిమాతో ఎంట్రీ ఇచ్చింది.ఆ సినిమా భారీ విజయం సాధించింది. దీనితో ఈ భామ తెలుగులో బాగా పాపులర్ అయింది. బద్రి సినిమా తరువాత తెలుగులో నాని,నరసింహుడు మరియు పరమవీరచక్ర లాంటి సినిమాలలో నటించి మెప్పించింది. బాలీవుడ్ లో నటిస్తూనే తెలుగు, తమిళ్ సినిమాలలో అవకాశాలను దక్కించుకుంది.హీరోయిన్ గా మంచి ఫామ్ లో ఉన్న సమయంలో కొన్ని కారణాల వల్ల చాలా కాలం పాటు ఈ భామ ఇండస్ట్రీకి దూరంగా ఉంటూ వచ్చింది. ఇటీవల సినిమాలకు మళ్ళీ రీ ఎంట్రీ కూడా ఇచ్చింది.

కాగా ఆ మధ్య అమీషా పటేల్ చెక్‌ బౌన్స్‌ కేసులో చిక్కుకున్న సంగతి తెలిసిందే. అయితే గతంలో ప్రముఖ నిర్మాత, వ్యాపార వేత్త అయిన అజయ్ కుమార్ సినిమా నిర్మిస్తానంటూ తన దగ్గర నుంచి రూ. 2.5కోట్లు అమీషా పటేల్‌ తీసుకున్నారని. ఆ తర్వాత సినిమా పూర్తిచేయకపోగా తన డబ్బులు తిరిగి ఇవ్వలేదని పేర్కొంటు రాంచీలోని సివిల్‌ కోర్టులో పిటిషన్‌ వేశారు..ఈ కేసుపై రాంచీ కోర్టులో పలుమార్లు విచారణ కూడా జరిగింది..చెక్ బౌన్స్ కేసులో రాంచి సివిల్ కోర్టులో ఈ భామ లొంగిపోయింది. తర్వాత ఆమెకు షరతులతో కూడిన బెయిల్‌ ను మంజూరు చేసిన సంగతి తెలిసిందే. అయితే ఇప్పుడు అజయ్ కుమార్ అసలు రూ.2.5 కోట్లకు వడ్డీ రూ.50 లక్షలు కలిపి మొత్తం రూ.3 కోట్లు ఇప్పించాలని కోర్టులో పిటీషన్ కూడా వేశారు. పిటిషనర్ అజయ్ కుమార్ సింగ్ తరుపున సాక్షిగా కంపెనీ మేనేజర్ టింక్ సింగ్ విచారణకు హాజరు కాగా, అమీషా పటేల్ తరుపు న్యాయవాది హాజరు కాలేదు.. దీంతో ఆమె తన న్యాయవాది కోసం కొంత సమయం కోరగా జ్యుడిషియల్ మెజిస్ర్టేట్ డీఎన్ శుక్లా తీవ్ర అసహనం వ్యక్తం చేశారు. అంతేకాదు అమీషా పటేల్ కి కోర్టు రూ.500 జరిమానా కూడా విధించింది. తదుపరి విచారణ ఆగస్టు 7కి వాయిదా వేసినట్లు సమాచారం.