Raka: అల్లు అర్జున్ ‘రాకా’లో అక్షయ్ కుమార్.. అట్లీ మాస్టర్ ప్లాన్ అదిరిపోయిందిగా!

ఐకాన్ స్టార్ అల్లు అర్జున్, స్టార్ డైరెక్టర్ అట్లీ కలయికలో తెరకెక్కుతున్న ప్రతిష్టాత్మక చిత్రం ‘రాకా’. భారీ బడ్జెట్‌తో సన్ పిక్చర్స్ నిర్మిస్తున్న ఈ చిత్రం మాఫియా నేపథ్యంలో సాగే సైంటిఫిక్ థ్రిల్లర్ అని తెలుస్తోంది. ఈ సినిమాలో యాక్షన్ సీక్వెన్స్‌లకు అట్లీ అత్యధిక ప్రాధాన్యత ఇస్తున్నారట. తదుపరి షెడ్యూల్‌లో బన్నీపై కొన్ని భారీ యాక్షన్ సన్నివేశాలను చిత్రీకరించేందుకు టీమ్ ప్లాన్ చేస్తోంది. కేవలం మాస్ ఎలిమెంట్స్ మాత్రమే కాకుండా, అద్భుతమైన యాక్షన్ కొరియోగ్రఫీ మరియు సైంటిఫిక్ అంశాలతో ఈ సినిమా ఆడియన్స్‌ను విస్మయానికి గురిచేయబోతోందని ఇండస్ట్రీ టాక్. అయితే ఈ మూవీ గురించి ఒక క్రేజీ వార్త ఫిల్మ్ నగర్ వర్గాల్లో చక్కర్లు కొడుతోంది.

ఈ సినిమాలో ఒక పవర్‌ఫుల్ ప్రత్యేక పాత్ర కోసం అట్లీ బాలీవుడ్ యాక్షన్ హీరో అక్షయ్ కుమార్‌ను సంప్రదించినట్లు తెలుస్తోంది. వచ్చే షెడ్యూల్ నుంచే అక్షయ్ ఈ సెట్స్‌లోకి అడుగుపెట్టనున్నట్లు సమాచారం. ఇప్పటికే ఈ సినిమాలో బాలీవుడ్ స్టార్ హీరోయిన్ దీపికా పదుకోణె మెయిన్ లీడ్‌లో నటిస్తుండగా, ఇప్పుడు అక్షయ్ కుమార్ కూడా తోడైతే ఈ సినిమా స్థాయి మరో రేంజ్‌కు వెళ్లడం ఖాయం. ఇక ఈ చిత్రంలో దీపికా పదుకోణెతో పాటు రష్మిక మందన్నా, మృణాల్ ఠాకూర్, జాన్వీ కపూర్ కూడా ఈ ప్రాజెక్టులో కీలక పాత్రలు పోషిస్తున్నారు. ఇంతమంది స్టార్ కాస్టింగ్ ఉండటంతో ‘రాకా’ చిత్రంపై అటు టాలీవుడ్ ఇటు బాలీవుడ్‌లో భారీ అంచనాలు నెలకొన్నాయి. పాన్-ఇండియా స్థాయిలో విడుదల కానున్న ఈ మూవీ బాక్సాఫీస్ రికార్డులను తిరగరాస్తుందని బన్నీ ఫ్యాన్స్ ధీమా వ్యక్తం చేస్తున్నారు.