Raaka: అల్లు అర్జున్ ‘రాకా’ లో ‘శివగామి’.. ఫస్ట్ లుక్తోనే సెన్సేషన్!
Raaka: పుష్ప-2 తర్వాత ఐకాన్ స్టార్ అల్లు అర్జున్ నుంచి రాబోతున్న మరో మోస్ట్ అవైటెడ్ మూవీ ‘రాకా’. కోలీవుడ్ సెన్సేషనల్ డైరెక్టర్ అట్లీ దర్శకత్వంలో తెరకెక్కుతున్న ఈ సినిమాపై ఇప్పటికే అంచనాలు ఆకాశాన్ని తాకుతున్నాయి. తాజాగా ఐకాన్ స్టార్ అల్లు అర్జున్ పుట్టినరోజు (ఏప్రిల్ 8) సందర్భంగా అభిమానులకు అదిరిపోయే ట్రీట్ అందించింది చిత్ర బృందం. ఈ సినిమాకు ‘రాకా’ అనే పవర్ఫుల్ టైటిల్ను ఖరారు చేస్తూ అదిరిపోయే ఫస్ట్ లుక్ పోస్టర్ను విడుదల చేశారు మేకర్స్.
READ ALSO: Hardik Pandya: ఆ ఆట, షాట్స్ చూసి ఆశ్చర్యపోయా.. వైభవ్ సూర్యవంశీకి అంతా మంచే జరగాలి!
ఈ సినిమాలో ఇప్పటికే బాలీవుడ్ బ్యూటీ దీపికా పదుకోణ్ కథానాయికగా నటిస్తుండగా, తాజాగా ‘శివగామి’ రమ్యకృష్ణ కూడా ఈ ప్రాజెక్ట్లో భాగమయ్యారని సమాచారం. బాహుబలి లాంటి అత్యంత ప్రతిష్టాత్మక చిత్రంలో రమ్యకృష్ణ శివగామి అనే పవర్ పుల్ పాత్రలో తన నటనతో హైలెట్గా నిలిచిన సంగతి తెలిసిందే. అట్లీ సినిమాల్లో మహిళా పాత్రలకు చాలా ప్రాముఖ్యత ఉంటుంది. కాబట్టి ఈ ఫాంటసీ డ్రామాలో శివగామి పోషించబోయే రోల్ ఎలా ఉండబోతుందనే ఆసక్తి నెలకొంది. ఈ సినిమాకు సంబంధించిన ఫస్ట్ లుక్ పోస్టర్ తాజాగా రిలీజ్ అయిన సంగతి తెలిసిందే. ప్రస్తుతం ఈ లుక్ ఇండస్ట్రీని షేక్ చేస్తోంది. తోడేలు గెటప్లో, గుండుతో ఉన్న బన్నీ లుక్ ఇప్పుడు సోషల్ మీడియాలో హాట్ టాపిక్గా మారింది. సంస్కృతంలో ‘రాకా’ అంటే ‘పూర్ణ చంద్రుడు’ అని అర్థం. ఒక ప్యారలల్ యూనివర్స్ నేపథ్యంలో హై-లెవల్ వీఎఫ్ఎక్స్ (VFX) తో ఈ సినిమా రూపుదిద్దుకుంటున్నట్లు సమాచారం. సన్ పిక్చర్స్ బ్యానర్పై కళానిధి మారన్ ఈ చిత్రాన్ని అత్యంత భారీ వ్యయంతో నిర్మిస్తున్నారు. ఈ చిత్రానికి సాయి అభ్యంకార్ సంగీతాన్ని అందిస్తున్నారు. బన్నీకి ఉన్న క్రేజ్, అట్లీకి ఉన్న సక్సెస్ ట్రాక్ రికార్డ్తో ‘రాకా’ సినిమా ఇండియన్ బాక్సాఫీస్ వద్ద సరికొత్త రికార్డులు సృష్టించడం ఖాయమని ట్రేడ్ వర్గాలు అభిప్రాయపడుతున్నాయి.