Suicide: హైదరాబాద్‌లో బిల్డింగ్ పై నుంచి దూకి సాఫ్ట్‌వేర్ ఉద్యోగి ఆత్మహత్య..

హైదరాబాద్‌లో దారుణ ఘటన చోటు చేసుకుంది. రామంతాపూర్‌లో ఓ సాఫ్ట్‌వేర్ ఉద్యోగి ఆత్మహత్య చేసుకుంది. బిల్డింగ్ పై నుంచి దూకి సూసైడ్ కు పాల్పడింది. అయితే.. ఈ ఘటనకు ఆర్థిక ఇబ్బందులే కారణమని తెలుస్తోంది. ఆత్మహత్యకు పాల్పడ్డ సాఫ్ట్‌వేర్ ఉద్యోగి హరితగా గుర్తించారు. ఆమె.. రామంతాపూర్‌లోని DSL మాల్‌లో ఉద్యోగం చేస్తుంది. ఈ ఘటనకు పాల్పడిన వెంటనే తోటి ఉద్యోగులు స్థానిక హాస్పిటల్ తరలించారు. అయితే.. అప్పటికే ఆమె మృతి చెందినట్లు డాక్టర్లు తెలిపారు. కాగా.. ఈ ఆత్మహత్య ఘటనపై లాలాగూడలో నివాసం ఉంటున్న తండ్రికి సమాచారం ఇచ్చారు పోలీసులు. కాగా.. తండ్రి ఇచ్చిన ఫిర్యాదు మేరకు కేసు నమోదు చేసుకొని దర్యాప్తు చేస్తున్నారు.