Cooler Auto: వాట్ ఏన్ ఐడియా సర్ జీ.. ఆటోకు కూలర్ సూపర్
- Follow Us :
-
-
Add as a preferred
source on google
Cooler Auto: ప్రస్తుతం ఎండలు మండిపోతున్నాయి. ఉదయం ఏడింటినుంచే సూర్యుడు సుర్రుమంటున్నాడు. ఇక కూలర్లు ఏసీలు లేకుండా ఒక్క క్షణం కూడా ఇళ్లలో ఉండలేక పోతున్నారు. దాదాపు ప్రతీచోట 45డిగ్రీల ఉష్ణోగ్రత నమోదవుతుంది. దీంతో వయసులో ఉన్న వారే ఉక్కపోతకు ఇబ్బంది పడుతుంటే.. ఇక వృద్ధుల సంగతి ప్రత్యేకంగా చెప్పనక్కర్లేదు. ఇక ఎండకు భయపడి ప్రయాణాలు సైతం వాయిదా వేసుకుంటున్నారు. ఎండలతో జనం అష్టకష్టాలు పడుతుంటే, ప్రజల తెలివితేటలను ఉపయోగించి పరిష్కారం వెతుకుతున్నారు. పెరుగుతున్న వేడికి పరిష్కారం కనుగొనేందుకు చాలా మంది తమ వంతు ప్రయత్నం చేస్తున్నారు. ఎవరో ఆవు పేడను కారు పైకప్పు మీద పూశారు. ఎవరో కారు పైభాగంలో గడ్డి నాటారు. ఇప్పుడు అలాంటి ఒక వీడియో సోషల్ మీడియాలో వైరల్ అవుతోంది. తన ఆటో రిక్షాను చల్లగా ఉంచడానికి ఈ వ్యక్తి పరిష్కార మార్గం చూస్తే ప్రయాణీకులు సంతోషిస్తున్నారు.
Read Also:Asia Cup 2023: పాకిస్తాన్ టీమ్ లేకుండానే ఆసియా కప్ టోర్నమెంట్..!
ఇప్పుడు సోషల్ మీడియాలో వైరల్ అవుతున్న వీడియో ద్వారా ఈ ఆటో రిక్షా పుల్లర్ క్రియేటివిటీని అభినందిస్తున్నారు. ఈ వీడియోలో ఒక ఆటో రిక్షా డ్రైవర్ తనకు, తన ప్రయాణీకులను వేడి నుండి రక్షించడానికి రిక్షా సీటు వెనుక వాటర్ కూలర్‌ను అమర్చడం కనిపిస్తుంది. ఓ ఆటో రిక్షా పుల్లర్ తన ప్రయాణికుడి ఆరోగ్యాన్ని కాపాడుతున్న ఈ అద్భుతమైన వీడియో ప్రస్తుతం వైరల్ అవుతోంది. ఈ అద్భుతమైన వీడియోను సోషల్ మీడియా ప్లాట్‌ఫామ్ ఇన్‌స్టాగ్రామ్‌లో చాలా మంది వీక్షిస్తున్నారు. ఈ వీడియో మే 22న షేర్ చేయబడింది. ఇప్పటివరకు ఈ వీడియోను 2 లక్షల 91 వేల మందికి పైగా లైక్ చేశారు. ఈ వీడియో చూసిన తర్వాత ఇంటర్నెట్ వినియోగదారులు భిన్నాభిప్రాయాలు వ్యక్తం చేస్తున్నారు.
Read Also:Krithi Shetty: అందానికే అద్దంలా.. హాట్ లుక్స్‌తో బేబమ్మ మెస్మరైజ్‌