Gun Fire : మెక్సికోలో మరోసారి గన్ ఫైర్.. 8మంది మృతి
Gun Fire : మెక్సికో సిటీలో మరోసారి కాల్పులు కలకలం సృష్టించాయి. తాజాగా ఉత్తర మెక్సికోలోని జెరెజ్ పట్టణంలో రద్దీగా ఉండే నైట్క్లబ్లో ఓ దుండగులు తెగబడ్డారు. వారు విచక్షణ రహితంగా జరిపిన కాల్పుల్లో ఎనిమిది మంది మరణించగా, ఐదుగురు గాయపడ్డారని పోలీసులు ఆదివారం తెలిపారు. జకాటెకాస్ రాష్ట్రంలో ఈ సంఘటన శనివారం అర్థరాత్రి జరిగింది. భారీగా ఆయుధాలు ఉన్న వ్యక్తులు, రెండు వాహనాలలో బార్కు వచ్చారు. అనంతరం బార్ లోకి చొరబడి విచక్షణారహితంగా కాల్పులు జరిపారు. ఈ మేరకు భద్రతా సెక్రటేరియట్ నివేదిక తెలిపింది.
Read Also: Chicken Theft : పాక్లో ఆకలి తట్టుకోలేక కోళ్లను ఎత్తుకెళ్లిన ప్రజలు.. లబోదిబోమంటున్న యజమాని
ఈ ఘటనలో ఆరుగురు అక్కడికక్కడే మృతి చెందగా, మరో ఇద్దరు చికిత్స పొందుతూ మృతి చెందారు. అదే సమయంలో కాల్పుల్లో గాయపడిన ఐదుగురు ఆస్పత్రిలో చికిత్స పొందుతున్నారు. బాధితుల్లో క్లబ్ ఉద్యోగులు, సంగీతకారులు, కస్టమర్లు కూడా ఉన్నారని స్థానిక మీడియా తెలిపింది. క్లబ్ ఫ్లోర్ రక్తంతో నిండిపోవడంతో ప్రజలు భయాందోళనలకు గురయ్యారని ప్రత్యక్ష సాక్షులు తెలిపారు.
Read Also: Hockey : హాకీ ప్రపంచ చాంపియన్ షిప్ ను కైవసం చేసుకున్న జర్మనీ
‘ఎల్ వెనాడిటో’ అని పిలువబడే బార్, రాష్ట్ర రాజధాని నగరం జకాటెకాస్కు నైరుతి దిశలో 60 కిలోమీటర్ల (36 మైళ్ళు) దూరంలో ఉన్న మునిసిపాలిటీ అయిన జెరెజ్ మధ్యలో ఉంది. గత ఏడాది జెరెజ్లో భారీ హింస జరిగింది. సమీపంలోని గ్రామీణ ప్రాంతాల్లోని వందలాది మంది నివాసితులు తమ ఇళ్లను వదిలి పారిపోవాల్సి వచ్చింది.