Covid-19 Vaccines : కరోనా మహమ్మారి ప్రజల జీవితాలను చిన్నాభిన్నం చేసింది. వదిలిపోయిందనకున్న ప్రతీ సారి తన రూపాన్ని మార్చుకుని ప్రజలపై విరుచుకు పడుతోంది. కరోనా బారిన పడి ఇప్పటికే కోట్ల మంది తమ ప్రాణాలను పొగొట్టుకున్నారు. ప్రభుత్వం ప్రజలను వ్యాక్సిన్ వేయించుకోవాలని పదేపదే సూచిస్తోంది. ఈ క్రమంలోనే జార్ఖండ్లోని సదర్ హాస్పిటల్లో 1,95,000 ఉపయోగించని కోవిడ్ వ్యాక్సిన్లు ధ్వంసం చేయబడ్డాయి. ఈ ఉపయోగించని కోవిడ్-19 వ్యాక్సిన్ల గడువు మార్చి 31, 2023న ముగిసిందని డియోగర్ జిల్లా ఆసుపత్రి DRHO తెలిపారు. మిగిలిన, ఉపయోగించని వ్యాక్సిన్లను ప్రభుత్వ మార్గదర్శకాల ప్రకారం వేడి నీటిలో ఉడకబెట్టి, ఆపై మట్టి గొయ్యిలో పాతిపెట్టారు.
Read Also: Indian 2: అయిదేళ్ల తర్వాత మళ్లీ అదే చోటుకి శంకర్ అండ్ టీమ్…
మార్చి 31, 2023న గడువు ముగిసిన ఈ 1,95,000 ఉపయోగించని కోవిడ్-19 వ్యాక్సిన్లను ప్రభుత్వ మార్గదర్శకాల ప్రకారం ఉడకబెట్టి సివిల్ సర్జన్ కార్యాలయం వెనుక పడవేసినట్లు దేవ్ఘర్ సదర్ ఆసుపత్రి DRCHO డాక్టర్ అలోక్ సింగ్ తెలిపారు. డిసెంబరు మరియు మార్చి మధ్య వేర్వేరు తేదీలలో కొన్ని డోస్ వ్యాక్సిన్ల గడువు ముగిసిందని ఆయన పేర్కొన్నారు. టీకాల ధ్వంసం చేసే సమయంలో, SCMO డాక్టర్ CK షాహి, DPM నీరజ్ భగత్ మరియు రిజ్లాన్ వ్యాక్సిన్ సెంటర్ ఇన్ఛార్జ్ సంజయ్ కుమార్తో సహా పలువురు ఆరోగ్య అధికారులు పాల్గొన్నారు.
Read Also: Andhra Pradesh: ఏపీలో వర్షాలు.. అరుదైన రికార్డు నమోదు..!
