Youth Attacks Auto Driver: దారుణం.. ఆటో డ్రైవర్ పై కర్రతో పదే పదే దాడి చేసిన యువకుడు..

ఒక యువకుడు కర్రతో ఆటో డ్రైవర్ పై పదే పదే దాడి చేసిన ఘటన ఉత్తర్ ప్రదేశ్ లో జరిగింది. డ్రైవర్ తనను తాను రక్షించుకోవడానికి ప్రయత్నిస్తున్నప్పటికి యువకుడు మాత్రం దాడి చేస్తూనే ఉన్నాడు. ఈ సంఘటనను అక్కడున్న వారు వీడియో తీసి సోషల్ మీడియాలో పోస్ట్ చేశారు. ప్రస్తుతం ఈ వీడియో సోషల్ మీడియాలో తెగ వైరల్ అవుతుంది.

పూర్తి వివరాల్లోకి వెళితే.. ఉత్తర్ ప్రదేశ్‌ మీరట్ జిల్లాలోని మావానా పోలీస్ స్టేషన్ ప్రాంతంలో చోటు చేసుకున్న ఓ దారుణ ఘటన ప్రస్తుతం సోషల్ మీడియాలో తీవ్ర చర్చనీయాంశంగా మారింది. షారుఖ్ అనే యువకుడు ఆటో డ్రైవర్ సజ్జాదుద్దీన్‌ కు ఓ విషయంలో వాగ్వాదం జరిగింది. వాగ్వాదం కాస్త ముదరడంతో యువకుడు ఆటో డ్రైవర్‌పై కర్రతో పదే పదే దాడి చేసాడు. దీంతో స్థానికులను భయాందోళనకు గురయ్యారు. డ్రైవర్ తనను తాను రక్షించుకునేందుకు ప్రయత్నించినప్పటికీ, ఆ యువకుడు మాత్రం నిర్దాక్షిణ్యంగా దాడి చేశాడు.

మావానా పోలీస్ స్టేషన్ ప్రాంతంలో జరిగిన ఈ ఘటనపై వెంటనే చర్యలు తీసుకున్నామని పోలీసులు వెల్లడించారు. బాధితుడి ఫిర్యాదుతో నిందితుడిపై సంబంధిత సెక్షన్ల కింద కేసు నమోదు చేశామన్నారు.ఈ సంఘటనను అక్కడ ఉన్న కొందరు వీడియో తీసి సోషల్ మీడియాలో పోస్ట్ చేయడంతో, అది క్షణాల్లోనే వైరల్‌గా మారింది. ఈ ఘటనపై నెటిజన్లు తీవ్ర ఆగ్రహం వ్యక్తం చేస్తూ, సంబంధిత అధికారాలు వెంటనే చర్యలు తీసుకోవాలని డిమాండ్ చేస్తున్నారు.