VD Satheesan: కేరళం సీఎంగా వీడీ సతీశన్‌.. అధికారికంగా ప్రకటించిన ఏఐసీసీ.. పూర్తి వివరాలు

కేరళ అసెంబ్లీలో ప్రతిపక్ష నాయకుడిగా ఉన్న కాంగ్రెస్ నాయకుడు వి.డి. సతీసన్ కేరళ తదుపరి ముఖ్యమంత్రి కానున్నారని రాష్ట్ర కాంగ్రెస్ ఇన్‌చార్జ్ దీపా దాస్ మున్షీ గురువారం (మే 14) ప్రకటించారు. విడి సతీసన్‌ను కేరళ కొత్త ముఖ్యమంత్రిగా నియమించాలని కాంగ్రెస్ హైకమాండ్ నిర్ణయించింది. కేరళ అసెంబ్లీ ఎన్నికల ఫలితాలు వెలువడిన పది రోజుల తర్వాత ఈ ప్రకటన చేశారు. కొత్తగా ఎన్నికైన ఎమ్మెల్యేలు, మిత్రపక్షాలతో సంప్రదించిన తర్వాతే ఈ నిర్ణయం తీసుకున్నట్లు కాంగ్రెస్ తెలిపింది.

విడి సతీసన్ ఎవరు?

వీడీ సతీశన్‌ స్వస్థలం ఎర్నాకులం జిల్లా నెట్టూరు.. రాజాకీలయాలకు ముందు హైకోర్టు న్యాయవాదిగా పనిచేశారు.. పరావూర్ నుంచి వరుసగా ఆరుసార్లు ఎమ్మెల్యేగా గెలిచారు. 2001లో మొదటిసారి పరావూర్ నుంచి ఎమ్మెల్యేగా గెలుపొందారు. 2001, 2006, 2011, 2016, 2021, 2026లో ఎమ్మెల్యేగా ఎన్నికయ్యారు. ఇటీవలి కేరళ అసెంబ్లీ ఎన్నికల్లో యునైటెడ్ డెమోక్రటిక్ ఫ్రంట్ (యూడీఎఫ్) 102 స్థానాలు గెలుచుకుని నిర్ణయాత్మక మెజారిటీని కైవసం చేసుకుంది.

2026లో జరిగిన ఎన్నికలలో, ఎర్నాకులం జిల్లాలోని పారావూర్ అసెంబ్లీ స్థానంలో కమ్యూనిస్ట్ పార్టీ ఆఫ్ ఇండియా (సీపీఐ)కి చెందిన ఈటీ టైసన్ మాస్టర్‌ను 20,600 ఓట్ల తేడాతో ఓడించి సతీసన్ వరుసగా ఆరవసారి గెలుపొందారు.

సతీసన్ శిక్షణ పొందిన న్యాయవాది. సాంఘిక కార్యకర్త. కేరళ విద్యార్థి సంఘం (KSU) ద్వారా రాజకీయాల్లోకి ప్రవేశించి, క్రమంగా కాంగ్రెస్‌లో ఉన్నత స్థానాలకు చేరుకున్నారు. ఆ తర్వాత, యూత్ కాంగ్రెస్‌లో చురుకుగా పాల్గొంటూ, క్రమంగా వాక్చాతుర్యం గల వక్తగా, దూకుడు స్వభావం గల రాజకీయ నిర్వాహకుడిగా పేరు సంపాదించారు. వి.డి. సతీసన్ 2001 నుండి పారావూర్ అసెంబ్లీ నియోజకవర్గానికి ప్రాతినిధ్యం వహించి, సంవత్సరాలు గడిచేకొద్దీ కేరళలో కాంగ్రెస్ పార్టీ అత్యంత బలమైన శాసనకర్తలలో ఒకరిగా స్థిరపడ్డారు.