Sara Ali Khan: కేదార్నాథ్ వెళ్తే పాపమా?.. సారా అలీఖాన్కు ముస్లిం మతపెద్ద ఫత్వా..
- కేదార్నాథ్ ఆలయంలో సారా అలీఖాన్ ప్రార్థనలు..
- హిందూ ఆలయం దర్శించడం పాపం అంటూ మౌలానా ఆగ్రహం..
- అల్లాహ్ క్షమాపణలు చెప్పాలని ఫత్వా జారీ..
- Follow Us :
-
-
Add as a preferred
source on google
Sara Ali Khan: బాలీవుడ్ నటి సారా అలీఖాన్ కేదార్నాథ్ ఆలయాన్ని సందర్శించి పూజలు చేయడం, ముస్లిం మతపెద్దలకు నచ్చడం లేదు. ఉత్తర్ ప్రదేశ్కు చెందిన ముస్లిం మతపెద్ద మౌలానా షహబుద్దీన్ రజ్వీ బరేల్వీ సారా హిందూ ఆలయాన్ని సందర్శించడాన్ని తప్పుపట్టారు. ఇతర మతాల ఆచారాల్లో పాల్గొనడం షరియత్ ప్రకారం నిషిద్ధమని, సారా చేసిన పని ‘‘పాపం’’అని అన్నారు. ఆమెకు వ్యతిరేకంగా ఫత్వా జారీ చేశారు. మౌలానా వ్యాఖ్యలపై నెటిజన్లు తీవ్రంగా స్పందిస్తున్నారు. ఒక వ్యక్తి విశ్వాసం, ప్రార్థనలు, ఆధ్యాత్మిక ఎంపికలు వ్యక్తిగత స్వేచ్ఛలకు సంబంధించినవని సారాకు మద్దతుగా నిలుస్తున్నారు.
సారా అలీఖాన్ గత వారం ఉత్తరాఖండ్లోని కేదార్నాథ్ ఆలయాన్ని సందర్శించారు. దర్శనం కోసం ఇతర భక్తులతో కలిసి క్యూలో నిలుచుని ప్రార్థనలు చేశారు. ఈ నేపథ్యంలో ఆల్ ఇండియా ముస్లిం జమాత్ జాతీయ అధ్యక్షుడు మౌలానా షహాబుద్దీన్ రజ్వీ బరేల్వీ ఆమె చర్యలను తప్పుబట్టారు. సారా కేదార్నాథ్ ఆలయానికి వెళ్లి ప్రార్థనలు చేయడంపై కొందరు యువ ముస్లింలు తనను ప్రశ్నించారని మౌలానా అన్నారు. ఒక ముస్లిం వ్యక్తి స్వచ్ఛందంగా మరో మతానికి చెందిన ప్రార్థనలు, ఆచారాల్లో పాల్గొంటే అది పాపమని, అల్లాహ్ను క్షమాపణ కోరాలని వ్యాఖ్యానించారు.
Also Read
- CS Karnan Dies: సీజేఐ సహా సుప్రీంకోర్టు జడ్జీల అరెస్టుకే ఆదేశాలు.. వివాదాస్పద మాజీ హైకోర్టు న్యాయమూర్తి కర్ణన్ కన్నుమూత!
- Indian Sailors: కరాచీ పోర్టులో చిక్కుకున్న ఆరుగురు భారతీయులు.. పాక్తో భారత్ సంప్రదింపులు!
- Jharkhand: 14 ఏళ్ల గిరిజన బాలికపై అత్యాచారం ఆరోపణలు.. కాంగ్రెస్ ఎమ్మెల్యేపై కేసు
- Delimitation Bill: మహిళా కోటా కోసం డీలిమిటేషన్ బిల్లు.. 15-18 ఓట్లు అదనంగా వస్తాయని కేంద్రం ధీమా!
ముస్లిం స్త్రీ, పురుషులు ఇతర మతాలకు చెందిన విశ్వాసంలో భాగస్వాములు కావడం, ప్రార్థనలు చేయడం, మతపరమైన ఆచారాలు పాటించడం షరియత్ ప్రకారం అనుమతించబడదని పేర్కొన్నారు. సారా ఆలయ దర్శనం కోసం క్యూలో నిలబడటం, పూజలో పాల్గొనడం వంటి చర్యల్ని ‘‘హరామ్’’ అని అన్నారు. సారా పశ్చాత్తాపం వ్యక్తం చేసి, అల్లాహ్ను క్షమాపణలు వేడుకోవాలని, అలా చేయకపోతే తీవ్రమైన పాపానికి సమాధానం చెప్పాల్సి ఉంటుందని హెచ్చరించారు.
సారా అలీఖాన్ గత ఆలయ పర్యటనకు కూడా విమర్శలకు గురయ్యాయి. 2021 నవంబర్లో కేదార్నాథ్ ఆలయానికి వెళ్లిన సమయంలో ఆమెపై సోషల్ మీడియాలో విమర్శలు వచ్చాయి. 2023 జూన్లో హిందూ ఆలయాన్ని దర్శించుకోవడం తన వ్యక్తిగత ఎంపిక అని ఆమె సమర్థించుకున్నారు. సారా అలీఖాన్కు కేదార్నాథ్తో అనుబంధం ఉంది. ఆమె దివంగత నటుడు సుశాంత్ సింగ్ రాజ్పుత్తో కలిసి ‘కేదార్నాథ్’ సినిమాలో నటించింది. 2017లో దీని షూటింగ్ ఈ ప్రాంతంలోనే జరిగింది. ఇదే సారాకు తొలి సినిమా.
తాజావార్తలు
-
OTR: నేతల తన్నులాటలతోనే నందికొట్కూరులో టీడీపీ ఘోర ఓటమి?
-
Nagula Chavithi: నాగుల చవితి వేళ అద్భుతం.. సుబ్రహ్మణ్యేశ్వర స్వామి ఆలయంలో ప్రత్యక్షమైన నాగసర్పం!
-
CM Revanth Reddy : పిల్లల భవిష్యత్తే లక్ష్యం.. సీఎం రేవంత్ కీలక సందేశం
-
OTR: లెక్కలు మారుతున్నాయా? కంగారులో కూటమి.. వైసీపీ మాత్రం పక్కా లెక్కలతో ముందడుగు వేస్తుందా?
-
OTR: చంద్రబాబుకు జనసేన ఫిర్యాదు.. బాపట్ల ఎమ్మెల్యే నరేంద్ర వర్మ కు అగ్నిపరీక్ష!
ట్రెండింగ్
-
Red Line on Medicine Strips: మెడిసిన్ స్ట్రిప్పై ఎర్రగీత ఉందా? ఈ విషయం తప్పక తెలుసుకోండి..!
-
IND vs NZ 4th ODI: అదే మా కొంపముంచింది.. ఓటమిని జీర్ణించుకోవడం కష్టం.. శ్రేయస్ భావోద్వేగ వ్యాఖ్యలు!
-
Matt Henry: భారత్ను మడతెట్టెస్తున్న మాట్ హెన్రీ.. ఇది మూడోసారి.. ఏకంగా 8 వికెట్స్!
-
NZ vs IND 4th ODI: భారత్ ఖాతాలో చెత్త రికార్డు.. పాకిస్థాన్ సరసన టీమిండియా!
-
India Playing XI 4th ODI: గిల్, రాహుల్, కాంబోజ్ అవుట్.. ఇషాన్ కిషన్, సిరాజ్ ఇన్.. కెప్టెన్గా శ్రేయస్ అయ్యర్..!