Renu Dhariyal: అయ్ బాబోయ్ ఎంతపొడుగో.. జుట్టు పెంచుకుంటూ గిన్నిస్ వరల్డ్ రికార్డ్ కొట్టేసిన మహిళ..
- ది గ్రేట్ ఖలీ కంటే జుట్టే పొడవు’
- ఉత్తరాఖండ్ మహిళకు గిన్నిస్ వరల్డ్ రికార్డ్
- 8 అడుగుల 10 అంగుళాల జుట్టు
- Follow Us :
-
-
Add as a preferred
source on google
నెమలికి నాట్యం అందం స్త్రీలకు కురులు అందం. నల్లని ఒత్తైన కురులు అందాన్ని రెట్టింపు చేస్తాయి. అందుకే ప్రతిఒక్కరు జుట్టు పెంచుకునేందుకు, కేశ సంరక్షణ కోసం ఆరాటపడుతుంటారు. ఇదే రీతిలో ఉత్తరాఖండ్కు చెందిన రేణు ధారియాల్ తన అసాధారణమైన పొడవాటి జుట్టుతో ప్రపంచ రికార్డు సృష్టించారు. అత్యంత పొడవైన జుట్టు ఉన్న వ్యక్తిగా ఆమె గిన్నిస్ వరల్డ్ రికార్డ్స్ లో స్థానం సంపాదించారు. రేణు ధారియాల్ జుట్టు పొడవు ఏకంగా 271.50 సెంటీమీటర్లు (8 అడుగుల 10 అంగుళాలు)గా నమోదైంది. ఉత్తరాఖండ్లోని హల్ద్వానీలో ఏప్రిల్లో నిర్వహించిన కొలతల అనంతరం ఈ రికార్డును ధృవీకరించారు.
ఉక్రెయిన్ మహిళ రికార్డును అధిగమించిన రేణు
రేణు ధారియాల్ సాధించిన ఈ రికార్డుకు ముందు ఉక్రెయిన్కు చెందిన అలియా నసిరోవా పేరుతో ఈ రికార్డు ఉండేది. ఆమె జుట్టు పొడవు 257.33 సెంటీమీటర్లు (8 అడుగుల 5.3 అంగుళాలు)గా నమోదైంది. అలియా రికార్డుతో పోలిస్తే రేణు జుట్టు దాదాపు 14 సెంటీమీటర్లు ఎక్కువగా ఉంది. రేణు జుట్టు పొడవు ప్రపంచంలోనే అత్యంత పొడవైన వ్యక్తిగా నమోదైన రాబర్ట్ వాడ్లో ఎత్తుకు కూడా చాలా దగ్గరగా ఉండటం విశేషం. రాబర్ట్ వాడ్లో ఎత్తు 272 సెంటీమీటర్లు (8 అడుగుల 11.1 అంగుళాలు)గా నమోదైంది.
Also Read
- INDIA Bloc: ఎన్నికల సంఘానికి 48 ప్రశ్నలు.. సుప్రీంకోర్టులో INDIA కూటమి పిటిషన్!
- UP Elections 2027: అయోధ్య, కాశీ తర్వాత మధురపై బీజేపీ గురి.. కృష్ణ జన్మభూమి అజెండాలోకి!
- Amitabh Bachchan: ‘‘బుల్లెట్ ప్రూఫ్ కూడా కాపాడదు’’.. అమితాబ్ బచ్చన్కు గ్యాంగ్స్టర్ బెదిరింపులు..
- Sonia Gandhi Memoir: సోనియా గాంధీ ఆత్మకథలో తప్పులు.. దాచిన విషయాలే వివాదాలు!
2015 నుంచి జుట్టు కత్తిరించుకోలేదట
రేణు ధారియాల్ దాదాపు పదేళ్లుగా జుట్టును పెంచుతున్నారు. 2015 నుంచి ఇప్పటివరకు ఒక్కసారి కూడా జుట్టును కత్తిరించుకోలేదని ఆమె తెలిపారు. కంటెంట్ క్రియేటర్, యూట్యూబర్గా కూడా రేణు పనిచేస్తున్నారు. తన సోషల్ మీడియా ప్లాట్ఫామ్ల ద్వారా జుట్టు సంరక్షణ, అందానికి సంబంధించిన చిట్కాలను పంచుకుంటున్నారు. ముఖ్యంగా సహజసిద్ధమైన ఉత్పత్తులతో జుట్టును ఎలా సంరక్షించుకోవాలో ఆమె తన ఫాలోవర్లకు వివరిస్తుంటారు.
భారతీయ సంస్కృతే ప్రేరణ
పొడవాటి జుట్టు పెంచుకోవడానికి భారతీయ సంస్కృతే తనకు ప్రేరణగా నిలిచిందని రేణు తెలిపారు. భారతీయ సంస్కృతిలో పొడవాటి జుట్టును అందం, సంప్రదాయానికి ప్రతీకగా భావిస్తారని, అందుకే తాను జుట్టును ఇంత పొడవుగా పెంచాలని నిర్ణయించుకున్నట్లు చెప్పారు. 2015 నుంచి జుట్టును నిరంతరం పెంచుతున్నానని, అప్పటి నుంచి కత్తిరించలేదని ఆమె వెల్లడించారు.
నేలపై పరుచుకునేంత పొడవైన జుట్టు
గిన్నిస్ వరల్డ్ రికార్డ్స్ విడుదల చేసిన ఫొటోల్లో రేణు జుట్టు పొడవు ఎంత అసాధారణంగా ఉందో స్పష్టంగా కనిపిస్తోంది. కొన్ని ఫొటోల్లో ఆమె జుట్టు నేలపై చాలా దూరం వరకు పరుచుకుని కనిపిస్తుండగా, మరికొన్ని చిత్రాల్లో మంచం అంచు మీదుగా జుట్టు కిందికి వేలాడుతూ కనిపించింది. కూర్చున్న సమయంలో కూడా ఆమె జుట్టు చుట్టూ భారీగా కనిపిస్తుంది. ఇంత పొడవు ఉన్నప్పటికీ జుట్టు మందంగా, ఆరోగ్యంగా, మెరిసేలా కనిపించడం మరో విశేషం. రోజువారీ పనులకు ఇబ్బంది కలగకుండా ఉండేందుకు రేణు తన జుట్టును జడగా అల్లుకుంటారు.
జుట్టు సంరక్షణకు గంటల సమయం
ఇంత పొడవాటి జుట్టును సంరక్షించడం అంత సులభం కాదు. జుట్టును శుభ్రం చేయడం, చిక్కులు తొలగించడం వంటి పనులకు చాలా సమయం, సహనం అవసరమని రేణు చెబుతున్నారు. తన జుట్టు సంరక్షణ కోసం రసాయన ఆధారిత ఉత్పత్తులను దూరంగా ఉంచుతున్నానని ఆమె తెలిపారు. ఇంట్లోనే తయారు చేసుకునే సహజమైన హెయిర్ ఆయిల్స్, షాంపూలను ఉపయోగిస్తానని, వాటి తయారీ విధానాలను కూడా తన యూట్యూబ్ ఛానల్ ద్వారా ఫాలోవర్లతో పంచుకుంటానని చెప్పారు.
‘నిశ్చయంతో ఏదైనా సాధించవచ్చు’
గిన్నిస్ వరల్డ్ రికార్డ్ సాధించడం తనకు కేవలం పొడవాటి జుట్టుకు లభించిన గుర్తింపు మాత్రమే కాదని రేణు చెబుతున్నారు. తన సొంత ప్రాంతానికి, సమాజానికి కూడా గుర్తింపు తీసుకురావాలని కోరుకుంటున్నట్లు తెలిపారు. బయటకు వెళ్లినప్పుడు లేదా సోషల్ మీడియాలో కనిపించినప్పుడు తన జుట్టును చూసి చాలామంది ఆశ్చర్యపడి, ప్రశంసలు కురిపిస్తున్నారని చెప్పారు. దృఢ సంకల్పం, నిరంతర కృషి, సహనం, సహజ అందాన్ని, సంస్కృతిని గౌరవించడం ద్వారా పెద్ద లక్ష్యాలను సాధించవచ్చనే సందేశాన్ని ప్రపంచానికి ఇవ్వాలనుకుంటున్నానని రేణు తెలిపారు.
సోషల్ మీడియాలో వైరల్గా రికార్డు
రేణు రికార్డు సోషల్ మీడియాలో కూడా పెద్ద చర్చకు దారితీసింది. ఆమె జుట్టు పొడవును చూసి కొందరు ఆశ్చర్యం వ్యక్తం చేయగా, మరికొందరు సరదాగా కామెంట్లు చేశారు. కొంతమంది ఆమె జుట్టును రాత్రివేళ చెట్టుపై కనిపిస్తే భయపడేంత అసాధారణంగా ఉందంటూ వ్యాఖ్యానించారు. మరో సోషల్ మీడియా యూజర్ అయితే రేణు జుట్టును ప్రముఖ మాజీ రెజ్లర్ ది గ్రేట్ ఖలీ ఎత్తుతో పోల్చాడు. రేణు జుట్టు 8 అడుగుల 10 అంగుళాలు ఉండగా, ది గ్రేట్ ఖలీ ఎత్తు 7 అడుగుల 1 అంగుళం అని పేర్కొంటూ, ఆమె జుట్టే ఖలీ కంటే దాదాపు 1 అడుగు 9 అంగుళాలు ఎక్కువ పొడవుగా ఉందంటూ సరదాగా కామెంట్ చేశాడు.
Renu Dhariyal (India) has the longest hair in the world! 🩷
She has claimed the record for longest hair on a living person (female).
Her stunning raven tresses measure an unbelievable 271.50 cm (8 ft 10 in) long. pic.twitter.com/N8FeWdUGP0
— Guinness World Records (@GWR) August 7, 2026
తాజావార్తలు
-
Imran Khan: ‘‘ప్రాణాలతో తిరిగి రాకపోవచ్చు’’.. నిస్సహాయ స్థితిలో ఇమ్రాన్ ఖాన్ లేఖ!
-
Love Story: అనిరుధ్ మామ కళానిధి మారన్ ప్రేమ కథ తెలుసా?
-
INDIA Bloc: ఎన్నికల సంఘానికి 48 ప్రశ్నలు.. సుప్రీంకోర్టులో INDIA కూటమి పిటిషన్!
-
Mouli: టాలీవుడ్ నుంచి కోలీవుడ్కు దొంగ నా కొడుకు .. ‘టూరిస్ట్ ఫ్యామిలీ’ బ్యానర్లో మూడో సినిమా?
-
AP Elections: ముగిసిన 23 పట్టణ స్థానిక సంస్థల నామినేషన్ల పర్వం.. రేపు పరిశీలన..
ట్రెండింగ్
-
Gully Cricket: సచిన్ టెండూల్కర్తో గల్లీ క్రికెట్ ఆడిన ప్రిన్స్ విలియం, కేట్..!
-
Mohit Ulva: ఒంటిచేత్తో మ్యాచ్ను మలుపు తిప్పాడు.. ఎవరీ మోహిత్ ఉల్వా.. జడేజా కోచ్ దగ్గరే శిక్షణ!
-
ICC Chairman-Jay Shah: రెండోసారి ఐసీసీ చైర్మన్గా జై షా.. ఈసారి కూడా ఏకగ్రీవమే!
-
Vaibhav Sooryavanshi: సచిన్ టెండూల్కర్ అవుతాడో లేక వినోద్ కాంబ్లీ అవుతాడో చెప్పడం కష్టం..!
-
India Schedule: రోహిత్, కోహ్లీ మళ్లీ ఆడేది అప్పుడే.. టీమిండియా నెక్స్ట్ షెడ్యూల్ ఇదిగో..!