12th Fail: రియల్ లైఫ్ “12th ఫెయిల్” ఐపీఎస్ ఆఫీసర్, భార్యతో ఉన్న ఫోటోలు వైరల్..

12th Fail: విధు వినోద్ చోప్రా తెరకెక్కించిన ‘12th ఫెయిల్’ మూవీ ఎంతో మంది యువతకు స్పూర్తినిస్తోంది. చిన్ని చిత్రంగా విడుదలై ఈ సినిమా విమర్శల ప్రశంసలను అందుకోవడమే కాకుండా.. రూ.20 కోట్లతో నిర్మిస్తే రూ. 66 కోట్లను వసూలు చేసింది. నిజజీవితంలో ఎన్నో కష్టాలు ఎదర్కోని యూపీఎస్సీ పరీక్షలను క్లీయర్ చేసి, ఐపీఎస్ అయిన మనోజ్ కుమార్ శర్మ జీవితం ఆధారంగా ఈ సినిమాను తెరకెక్కించారు.

విక్రాంత్ మాస్సే మనోజ్ కుమార్ పాత్ర పోషించగా.. అతనికి ప్రేరణగా నిలిచిన ప్రియురాలు శ్రద్ధా జోషి పాత్రలో మేధా శంకర్ అద్భుతంగా నటించారు. ఐపీఎస్ కావడానికి మనోజ్ కుమార్ పడిన కష్టాలను, ఎన్ని అవాంతరాలు ఎదురైనా తన లక్ష్యాన్ని చేరుకునే వరకు సాగించిన పోరాటాన్ని ఈ సినిమాలో కళ్లకు కట్టేలా చూపించారు. ప్రేయసిగా, స్నేహితురాలిగా శ్రద్ధాజోషి, మనోజ్ కుమార్ శర్మకు అండగా నిలిచిన విధానం ప్రేక్షకుల్ని ఆకట్టుకుంది.

Read Also: BJP: బీజేపీ టార్గెట్ 400.. ప్రతిపక్ష ఎంపీలను చేర్చుకునేందుకు ప్యానెల్ ఏర్పాటు.!

తాజాగా రియల్ లైఫ్ ‘12th ఫెయిల్’ ఐపీఎస్ మనోజ్ కుమార్, అతని భార్య శ్రద్ధా జోషిల పాత ఫోటో ఒకటి ఇప్పుడు నెట్టింట వైరల్‌గా మారింది. మనోజ్ కుమార్ శర్మ ఎక్స్(ట్విట్టర్)లో తనకు పెళ్లైన కొన్ని రోజుల తర్వాత భార్య శ్రద్ధా జోషితో తీసుకున్న ఫోటోను షేర్ చేశారు. ‘‘పెళ్లయిన కొన్ని రోజుల తర్వాత తీసిన ఫోటో ఈ రోజు నాకు దొరికింది’’ అంటూ క్యాప్షన్ ఇచ్చారు. ఇది పోస్ట్ అయిన కొద్ది సేపటికే వైరల్‌గా మారింది. కేవలం గంటలోనే 1,30,000 వ్యూస్ సొంతం చేసుకుంది. మనోజ్ కుమార్ శర్మ ఐపీఎస్ సాధించగా.. శ్రద్ధా జోషి 2007లో ఐఆర్ఎస్ సాధించారు.

शादी के कुछ दिन बाद का एक फ़ोटो मिला आज
….🙏 pic.twitter.com/kPqSsbcWt9

— Manoj Sharma (@ManojSharmaIPS) January 10, 2024