Gujarat: వజ్రాల వ్యాపారి కుమారుడి పెళ్లికి హాజరైన ప్రధాని మోడీ
- గుజరాత్లో ప్రధాని మోడీ పర్యటన
- వజ్రాల వ్యాపారి సావ్జీ కుమారుడి పెళ్లికి హాజరైన మోడీ
ప్రధాని మోడీ గుజరాత్లో పర్యటిస్తున్నారు. పర్యటనలో భాగంగా ప్రధాని మోడీ.. గుజరాత్కు చెందిన వజ్రాల వ్యాపారి సావ్జీ ధోలాకియా కుమారుడు ద్రవ్య ధోలాకియా వివాహానికి హాజరయ్యారు. హవేలీలో జరిగిన వివాహ వేడుకలో ప్రధాని మోడీకి పాల్గొని నూతన వధూవరులను ఆశీర్వదించారు. కుటుంబ సభ్యులతో ముచ్చటించారు. ఇందుకు సంబంధించిన దృశ్యాలు సోషల్ మీడియాలో వైరల్ అయ్యాయి. సావ్జీ ధోలాకియా.. సూరత్లోని అత్యంత ధనవంతుల్లో ఒకరు కావడం విశేషం.
హరికృష్ణ గ్రూప్ వ్యవస్థాపకుడు, చైర్మన్ సావ్జీ ధోలాకియా మాట్లాడుతూ.. ఢిల్లీలో ప్రధాని మోడీని కలిసినప్పుడు కుమారుడి పెళ్లికి ఆహ్వానించినట్లు చెప్పారు. ద్రవ్య-జాన్వి కొత్త ప్రయాణంలో అడుగుపెడుతున్నారని.. ఈ ఆనంద సమయంలో ప్రధాని మోడీ హాజరుకావడం సంతోషంగా ఉందని సావ్జీ ధోలాకియా ఎక్స్ వేదికగా తెలిపారు.
సావ్జీ ధోలాకియా వజ్రాల వ్యాపారిగా ప్రసిద్ధి చెందారు. ప్రతి సంవత్సరం తన ఉద్యోగులకు అత్యాధునికమైన కార్లు, ఫిక్స్డ్ డిపాజిట్లతో సహా విలాసవంతమైన బహుమతులను అందజేస్తారు. ఈ సంవత్సరం ఢిల్లీలోని తన ఉద్యోగులకు 600 కార్లను బహుమతిగా ఇచ్చారు. ఈ నెల ప్రారంభంలో జరిగిన కార్యక్రమంలో ప్రధాని మోడీ కూడా పాల్గొని కొంతమంది ఉద్యోగులకు కారు కీలు అందజేశారు.
View this post on Instagram
View this post on Instagram