Ketan Agarwal Case: ‘సియా’ది ఇంత క్రిమినల్ మైండా? ప్రియుడి మైండ్ బ్లోయింగ్ స్టేట్మెంట్
- కేతన్ అగర్వాల్ హత్య కేసులో వెలుగులోకి కొత్త విషయాలు
- ప్రియుడి మైండ్ బ్లోయింగ్ స్టేట్మెంట్
- విచారణలో ఒకరిపై ఒకరు నిందలు
- Follow Us :
-
-
Add as a preferred
source on google
పూణె యువ వ్యాపారవేత్త కేతన్ అగర్వాల్ హత్య కేసు దేశ వ్యాప్తంగా సంచలనంగా మారింది. కాబోయే భర్త కేతన్తో ప్రేమగా ఉన్నట్లు నటిస్తూ సియా గోయల్ అంతమొందించిన తీరు దిగ్భ్రాంతికి గురి చేస్తోంది. ప్రేమ ఒలకబోస్తున్నట్లుగా కపట నాటకం ఆడి అమాయకుడైన కేతన్ను ఘటికురాలు భూమ్మీద లేకుండా చేసింది. తాజాగా పోలీసుల అదుపులో ఉన్న ప్రియుడు చేతన్ చౌదరి సంచలన విషయాలు పోలీసులకు వెల్లడించాడు. ఇందుకు సంబంధించిన విషయాలు వెలుగులోకి వచ్చాయి.

Also Read
- The Muslim 500 List 2027: ప్రపంచంలో టాప్-500 ముస్లింల జాబితా.. షారూఖ్తో సహా భారత్ నుంచి 22 మంది!
- UP Congress-SP Alliance: 181 సీట్లు కోరుతున్న కాంగ్రెస్.. లీకైన జాబితాతో అఖిలేష్పై ఒత్తిడి!
- India Summit Row: రాహుల్ గాంధీకి కిరణ్ రిజిజు ఏడు సూచనలు.. “బీజేపీని శత్రువుగా చూడొద్దు” అంటూ హితవు!
- INDIA Bloc: ఎన్నికల సంఘానికి 48 ప్రశ్నలు.. సుప్రీంకోర్టులో INDIA కూటమి పిటిషన్!
కేతన్ అగర్వాల్ హత్య కేసులో నిందితులు సియా గోయల్, చేతన్ చౌదరి పోలీసుల విచారణలో ఉన్నారు. ఈ సందర్భంగా చేతన్ కొత్త విషయాలు వెల్లడించాడు. తాను సియాతో కలిసి పారిపోవాలనుకున్నానని.. కానీ కేతన్ను చంపాలని పట్టుబట్టింది సియానేనని.. ఆమె ప్రణాళిక ప్రకారమే చేసినట్లుగా చెప్పుకొచ్చినట్లుగా తెలుస్తోంది. సియా మాత్రం ప్రియుడి వ్యాఖ్యలతో విభేదిస్తూ లేదు.. లేదు.. చేతన్ చెప్పినట్లుగానే చేసినట్లుగా పేర్కొంది. ఇలా ఒకరిపై ఒకరు నిందలు వేసుకున్నట్లు తెలుస్తోంది. అయితే జూన్ 14న కేతన్ను హత్య చేయడానికి చేసిన తొలి ప్రయత్నం విఫలమైన తర్వాత చేతన్ తన ముందు ఏడ్చాడని.. దీంతో జూన్ 18న ఎలాగైనా చంపాలని నిర్ణయానికి వచ్చినట్లుగా ఆమె చెప్పినట్లు తెలుస్తోంది. అయితే ఈ కేసును దర్యాప్తు చేస్తున్న ఓ పోలీసు అధికారి మాట్లాడుతూ.. “ఇద్దరూ హత్య కుట్ర బాధ్యతను ఒకరిపై ఒకరు మోపేందుకు ప్రయత్నిస్తున్నారు. ఇది వారి రక్షణ వ్యూహంగా కనిపిస్తోంది. అయితే కేతన్ను హత్య చేయడానికి ఇద్దరూ కలిసి కుట్ర పన్నినట్లు సూచించే బలమైన ఆధారాలు మా దగ్గర ఉన్నాయి” అని తెలిపారు.

మే 31 నుంచి జూన్ 4 మధ్యకాలంలో సియా, చేతన్ పూణెలోని ఒక కేఫేలో కలుసుకున్నట్లు పోలీసులు గుర్తించారు. ఈ సమావేశం హత్య కుట్రలో భాగమేనా అనే కోణంలో దర్యాప్తు చేస్తున్నారు. ఇప్పటికే సీసీటీవీ ఫుటేజ్, డిజిటల్ రికార్డులు, ఫోన్ సంభాషణలు, ఇతర సాంకేతిక ఆధారాలను పోలీసులు పరిశీలిస్తున్నారు.

కేతన్ అమెరికాలోని బోస్టన్లో మాస్టర్స్ పూర్తి చేసి ఇటీవలే భారత్కు వచ్చాడు. కేతన్ కుటుంబానికి, సియా కుటుంబానికి 1990ల నుంచి పరిచయం ఉంది. ఈ ఏడాది గుల్బర్గాలో జరిగిన ఓ వివాహ వేడుకలో కేతన్, సియా కలుసుకున్నారు. అనంతరం పెళ్లి చర్చలు వేగంగా జరిగి.. వారంలోపే నిశ్చితార్థం జరిగింది. అయితే సియా అప్పటికే చేతన్తో ప్రేమ సంబంధంలో ఉన్నట్లు పోలీసులు గుర్తించారు. కేతన్ను పెళ్లి చేసుకోవాలనే ఆసక్తి ఆమెకు లేదని దర్యాప్తులో తేలినట్లు సమాచారం. అయినప్పటికీ ఈ ఏడాది చివర్లో రాజస్థాన్లో ఘనంగా వివాహం నిర్వహించేందుకు ఇరు కుటుంబాలు ఏర్పాట్లు చేస్తున్నాయి.

జూన్ 18న కేతన్ లోయలో పడిపోయిన వెంటనే సియా కుటుంబ సభ్యులకు, పోలీసులకు సమాచారం ఇచ్చి అది ప్రమాదవశాత్తు జరిగిన ఘటన అని చెప్పింది. అయితే ఆమె వాంగ్మూలంలో ఉన్న వైరుధ్యాలు, సీసీటీవీ ఫుటేజ్లో కనిపించిన అనుమానాస్పద వ్యక్తి కారణంగా కేసు మలుపు తిరిగింది. ఆ వ్యక్తి తర్వాత చేతన్గా గుర్తించబడటంతో పోలీసులు లోతుగా దర్యాప్తు ప్రారంభించారు. దర్యాప్తు అనంతరం జూన్ 23న సియా గోయల్, చేతన్ చౌదరిని పోలీసులు అరెస్ట్ చేశారు. ఈ హత్య కుట్రలో మరెవరైనా ప్రమేయం ఉందా అనే కోణంలో కూడా పోలీసులు విచారణ కొనసాగిస్తున్నారు. తవ్వేకొద్దీ కొత్త కొత్త విషయాలు వెలుగులోకి వస్తున్నాయి. అయితే ఈ హత్యపై నెట్టిజన్లు తీవ్రంగా మండిపడుతున్నారు. ఇష్టం లేకపోతే.. ఇష్టం లేదని చెప్పొచ్చు కదా? చంపాల్సిన అవసరం ఏమొచ్చిందంటూ సియా గోయల్పై దుమ్మెత్తిపోస్తున్నారు.

తాజావార్తలు
-
Koti Deepotsavam 2026 Day 3: అంగరంగ వైభవంగా కీసరగుట్ట శ్రీ రామలింగేశ్వరస్వామి కల్యాణం.. మూడో రోజు విశేషాలివే..
-
Dhanush Secret: ప్రపంచానికి తెలియని ధనుష్ సీక్రెట్ లీక్ చేసిన శ్రీలీల!
-
OM Pre Release Event: ఇన్నాళ్లూ వచ్చిన సినిమాలు చేసుకుంటూ వెళ్లా, కానీ ఇప్పుడు రూట్ మార్చా.. శ్రీలీల ఓపెన్ కామెంట్స్!
-
Renu Desai: ‘ఓం’ ప్రీరిలీజ్ ఈవెంట్లో ధనుష్కు సారీ చెప్పిన రేణు దేశాయ్.. ఎందుకంటే?
-
Telangana Govt: కీలక నిర్ణయం తీసుకున్న తెలంగాణ ప్రభుత్వం.. గృహ నిర్మాణ పథకం లబ్ధిదారులకు ఊరట..
ట్రెండింగ్
-
Gully Cricket: సచిన్ టెండూల్కర్తో గల్లీ క్రికెట్ ఆడిన ప్రిన్స్ విలియం, కేట్..!
-
Mohit Ulva: ఒంటిచేత్తో మ్యాచ్ను మలుపు తిప్పాడు.. ఎవరీ మోహిత్ ఉల్వా.. జడేజా కోచ్ దగ్గరే శిక్షణ!
-
ICC Chairman-Jay Shah: రెండోసారి ఐసీసీ చైర్మన్గా జై షా.. ఈసారి కూడా ఏకగ్రీవమే!
-
Vaibhav Sooryavanshi: సచిన్ టెండూల్కర్ అవుతాడో లేక వినోద్ కాంబ్లీ అవుతాడో చెప్పడం కష్టం..!
-
India Schedule: రోహిత్, కోహ్లీ మళ్లీ ఆడేది అప్పుడే.. టీమిండియా నెక్స్ట్ షెడ్యూల్ ఇదిగో..!