Canada: ఆకాశంలో ఢీకొన్న రెండు విమానాలు, భారతీయ విద్యార్థి మృతి.

Canada: కెనడాలోని మానిటోబాలో విమానాలు ఢీకొన్న ప్రమాదంలో 23 ఏళ్ల భారతీయ పైలట్ స్టూడెంట్ మరణించినట్లు టొరంటోలోని భారత కాన్సులేట్ జనరల్ తెలిపారు. ఒక ఫ్లైయింగ్ స్కూల్ వద్ద రెండు సింగిల్ ఇంజిన్ విమానాలు ఢీకొనడంతో ఈ ప్రమాదం జరిగింది. ప్రమాదంలో మరణించిన వ్యక్తిని కేరళకు చెందిన శ్రీహరి సుకేష్‌గా గుర్తించారు. మృతుడు కొచ్చిలోని త్రిప్పునితురలోని స్టాట్యూ న్యూరోడ్ వాసి.

Read Also: Chhangur Baba: హిందూ, సిక్కు మహిళల్ని ఇస్లాంలోకి మారిస్తే ఒక్కో రేటు.. ఛంగూర్ బాబా ‘‘లవ్ జిహాద్’’ అరాచకాలు..

మంగళవారం తెల్లవారుజామున పైలట్ శిక్షణ సమయంలో రెండు విమానాలు టేకాఫ్, ల్యాండింగ్ నేర్చుకుంటున్న సమయంలో ఈ ప్రమాదం జరిగినట్లు హార్వ్స్ ఎయిర్ పైలట్ ట్రైనింగ్ స్కూల్ చెప్పింది. రెండు విమానాలు ఒకేసారి ల్యాండ్ అయ్యేందుకు ప్రయత్నించిన సమయంలో ఈ ప్రమాదం జరిగింది. ఈ ప్రమాదంలో సుకేష్ తో సహా మరో విద్యార్థిని 20 ఏళ్ల సవన్నా మే రోయిస్ కూడా మరణించారు. ఈ ప్రమాదంపై కెనడా విమాన ప్రమాదాలను పరిశోధించే సంస్థ దర్యాప్తు చేస్తోంది.