IIT Bombay Student:పరీక్షలో ChatGPT వాడుతూ పట్టుబడ్డ IIT బాంబే విద్యార్థి ఆ*త్మహ*త్య.. క్యాంపస్‌లో నిరసనలు
- IIT బాంబే విద్యార్థి మృతి
- పరీక్ష ఘటన తర్వాత క్యాంపస్‌లో భారీగా విద్యార్థుల నిరసన
- Follow Us :
-
-
Add as a preferred
source on google
IIT Bombay Student Death Case: IIT బాంబేలో విషాద ఘటన చోటుచేసుకుంది. ఎనర్జీ సైన్స్ అండ్ ఇంజినీరింగ్ విభాగానికి చెందిన రెండో సంవత్సరం విద్యార్థి శుక్రవారం సాయంత్రం తన హాస్టల్ గదిలో మృతిచెందాడు. అదే రోజు పరీక్ష సమయంలో మొబైల్ ఫోన్ ఉపయోగిస్తూ అతను పట్టుబడ్డాడని, పరీక్ష ప్రశ్నపత్రాన్ని ChatGPTలో అప్‌లోడ్ చేసి సమాధానాలు పొందేందుకు ప్రయత్నించినట్లు IIT బాంబే తెలిపింది.
పరీక్షలో మొబైల్‌తో పట్టుబడ్డ విద్యార్థి
IIT బాంబే ప్రకారం, పరీక్ష జరుగుతున్న సమయంలో విద్యార్థి మొబైల్ ఫోన్ ఉపయోగిస్తున్నట్లు గుర్తించారు. పరీక్ష ప్రశ్నపత్రాన్ని ChatGPTలో అప్‌లోడ్ చేసి సమాధానాలు పొందేందుకు ప్రయత్నించినట్లు సంస్థ వెల్లడించింది. ఈ ఘటన అనంతరం విద్యార్థితో పరీక్ష ఇన్‌స్ట్రక్టర్, సంబంధిత విభాగాధిపతి మాట్లాడారు. ఈ ఘటన కారణంగా అతని విద్యా భవిష్యత్తుపై ప్రతికూల ప్రభావం ఉండదని వారు భరోసా ఇచ్చినట్లు IIT బాంబే తెలిపింది. అంతేకాకుండా, విద్యార్థిపై ఎలాంటి అధికారిక క్రమశిక్షణ చర్య ప్రారంభించలేదని సంస్థ స్పష్టం చేసింది.
హాస్టల్ గదిలో మృతి
చర్చ అనంతరం విద్యార్థి తన హాస్టల్ గదికి వెళ్లాడు. ఆ తర్వాత సాయంత్రం అతను గదిలో మృతిచెందిన స్థితిలో కనిపించాడు. విద్యార్థి మృతిపై IIT బాంబే తీవ్ర విచారం వ్యక్తం చేసింది. అతని స్నేహితులు, క్లాస్‌మేట్స్, అధ్యాపకులు, ఈ ఘటనతో ప్రభావితమైన ఇతర విద్యార్థులకు అవసరమైన సహాయం అందిస్తున్నట్లు తెలిపింది. విద్యార్థి మృతికి సంబంధించిన పరిస్థితులపై సంబంధిత అధికారులు దర్యాప్తు చేస్తున్నారని పేర్కొంది.
క్యాంపస్‌లో 400 మందికి పైగా విద్యార్థుల నిరసన
విద్యార్థి మృతి విషయం క్యాంపస్‌లో వ్యాపించడంతో పెద్ద సంఖ్యలో విద్యార్థులు నిరసనకు దిగారు. 400 మందికి పైగా విద్యార్థులు ఆందోళనలో పాల్గొన్నట్లు ఇండియన్ ఎక్స్‌ప్రెస్ నివేదించింది. విద్యార్థుల నిరసన నేపథ్యంలో కొనసాగుతున్న మిడ్-సెమిస్టర్ పరీక్షలను వాయిదా వేసినట్లు కూడా నివేదికలు పేర్కొన్నాయి. పోలీసులు కూడా క్యాంపస్‌కు చేరుకుని ఘటనపై ప్రాథమిక దర్యాప్తు చేపట్టారు. మృతదేహాన్ని పోస్టుమార్టం కోసం తరలించినట్లు పలు నివేదికలు తెలిపాయి. దర్యాప్తు పూర్తయ్యే వరకు విద్యార్థి మృతికి ఖచ్చితమైన కారణాన్ని నిర్ధారించలేమని అధికారులు వెల్లడించారు.
విద్యార్థుల మానసిక ఆరోగ్యంపై దృష్టి అవసరం
IIT బాంబేలోని Student Wellness Centre విద్యార్థులకు కౌన్సెలింగ్, వ్యక్తిగత మానసిక ఆరోగ్య సహాయం, గ్రూప్ థెరపీ, పీర్ సపోర్ట్ వంటి సేవలను అందిస్తోంది. సంస్థ కూడా ఈ ఘటనతో ప్రభావితమైన విద్యార్థులు, సిబ్బందికి అవసరమైన సహాయం అందిస్తున్నట్లు తెలిపింది.