CEC Gyanesh Kumar: ఎలక్షన్ కమిషన్, ప్రధాన ఎన్నికల కమిషనర్ (సీఈసీ) జ్ఞానేష్ కుమార్పై ప్రతిపక్షాలు నిరసనలు నిర్వహిస్తున్న వేళ కేరళ సర్కార్ కీలక నిర్ణయం తీసుకుంది. 20 ఏళ్ల నాటి కేసును కాంగ్రెస్ ప్రభుత్వం తిరగదోడుతోంది. జ్ఞానేష్ కుమార్‌కు సంబంధం ఉన్న ఈ కేసుపై విచారణ జరపాలని కేరళ హోం మంత్రి రమేష్ చెన్నితల ఆదేశించారు. ఈ కేసు జరిగిన 2006లో జ్ఞానేష్ కుమార్ రాష్ట్ర పబ్లిక్ వర్క్స్ డిపార్ట్‌మెంట్ (పీడబ్ల్యూడీ) కార్యదర్శిగా ఉన్నారు. ప్రభుత్వ కాంట్రాక్టుల కేటాయింపులో అవకతవకలకు పాల్పడ్డారనే ఆరోపణలు ఆయనపై ఉన్నాయి.
కేరళ రాష్ట్ర రవాణా ప్రాజెక్ట్ కింద ఎంసీ రోడ్డు అభివృద్ధి పనుల్లో అవకతవకలు జరిగాయనే ఆరోపణలు ఉన్నాయి. PATI-BEL కన్సార్టియంతో సంబంధం ఉన్న మలేషియా సివిల్ ఇంజనీర్ లీ సీ బీన్ ఆత్మహత్యతో ముడిపడి ఉంది. ఆయన తన సూసైడ్ నోట్‌లో జ్ఞానేష్ కుమార్ పేరుతో పాటు పలువురు అధికారుల పేర్లు ప్రస్తావించారే ఆరోపణలు ఉన్నాయి. గతంలో ఈ కేసు విచారణలో ఏదైనా ఒత్తిడి ఉందా? విచారణలో ఏం జరిగిందనే కోణంలో విజిలెన్స్ దర్యాప్తు చేయనుంది.