Devendra Fadnavis: వరస ఎన్నికల్లో పరాజయాలు పాలవుతున్నందున రాహుల్ గాంధీని కాంగ్రెస్ నుంచి తొలగించే వాతావరణం నెలకొందని మహారాష్ట్ర సీఎం దేవేంద్ర ఫడ్నవీస్ ఆదివారం అన్నారు. రాహుల్ లక్ష్యంగా విమర్శలు గుప్పించారు. నాగ్పూర్ లో జరిగిన ఓ కార్యక్రమం సందర్భంగా మీడియాతో మాట్లాడుతూ.. రాహుల్ గాంధీ కేవలం తన ఉనికి కోసమే కాకుండా, తన నాయకత్వాన్ని కాపాడుకోవడానికి పోరాడుతున్నారని అన్నారు.
Read Also: Shivraj Singh Chouhan: బీహార్ రాజకీయాల్లో బిగ్ ట్విస్ట్.. నెక్ట్స్ సీఎం ఎవరో తేల్చేయనున్నది ఈయనే!
దీనికి ఒక రోజు ముందు, రాహుల్ గాంధీ మాట్లాడుతూ.. భారత్లో ప్రతీ ఒక్కరిని సమానంగా చూడకూడదనే ఉద్దేశంతో రాజ్యాంగాన్ని నాశనం చేయడమే ఆర్ఎస్ఎస్-బీజేపీ ప్రధాన లక్ష్యమని విమర్శించారు. ఈ విమర్శల తర్వాత ఫడ్నవీస్ మాట్లాడుతూ.. కాంగ్రెస్ పార్టీకి విజయాలు అందించడంలో రాహుల్ గాంధీ విఫలమవుతున్నారని, ఆయనను కాంగ్రెస్ నుంచి తీసేయొచ్చని ఆయన అన్నారు. పార్టీలోని అంతర్గత కలహాల నుంచి ప్రజల దృష్టి మళ్లించడానికే ఆయన ఇలాంటి ప్రకటనలు చేస్తున్నారంటూ మండిపడ్డారు.