దేశ రాజధాని ఢిల్లీలో వాతావరణం ఆహ్లాదకరంగా మారింది. కొద్దిరోజులుగా తీవ్ర ఉక్కపోతతో ఇబ్బంది పడుతున్న ఢిల్లీ వాసులకు భారీ వర్షాలతో వాతావరణం చల్లబడింది. దీంతో ప్రజలు ఎండ వేడి నుంచి ఉపశమనం పొందుతున్నారు. చల్లని వాతావరణాన్ని ఆస్వాదిస్తున్నారు. శుక్రవారం సాయంత్రం నుంచి వర్షాలు కురుస్తు్న్నాయి. మండుటెండల్లో భారీ వర్షాలు కురవడంతో చలి గాలులతో సేదదీరుతున్నారు. ఢిల్లీ-ఎన్సీఆర్తో నోయిడాలో భారీ వర్షాలు కురుస్తున్నాయి. నోయిడాలో అయితే వడగళ్ల వాన కురిసింది. ఇందుకు సంబంధించిన ఫొటోలు, వీడియోలు వైరల్ అవుతున్నాయి.
ఐఎండీ వార్నింగ్..
ఇదిలా ఉంటే శనివారం ఢిల్లీతో సహా 9 రాష్ట్రాల్లో ఉరుములు, మెరుపులతో కూడిన భారీ వర్షాలు ఉంటాయని.. తుఫానులు ముంచెత్తే అవకాశం ఉందని హెచ్చరించింది. ఏప్రిల్ 4-5 తేదీల్లో బలమైన గాలులు, వర్షం, వడగళ్ల వాన కురిసే అవకాశం ఉందని.. దీంతో ఢిల్లీ-ఎన్సీఆర్లో ఉష్ణోగ్రతలు తగ్గే అవకాశం ఉందని పేర్కొంది.
ప్రజలు అప్రమత్తంగా ఉండాలని, అనవసరంగా ఇళ్ల నుంచి బయటకు రాకుండా ఉండాలని కోరింది. ఏప్రిల్ 7వ తేదీ నాటికి ఉత్తర భారతదేశంలోకి ఒక కొత్త పశ్చిమ అవాంతరం ఏర్పడే అవకాశం ఉందని పేర్కొంది. దీనివల్ల వర్షపాతం పెరిగే అవకాశం ఉందని.. ఈ సమయంలో రైతులు ప్రత్యేకంగా జాగ్రత్తలు తీసుకోవాలని కోరింది.
ఉత్తర ప్రదేశ్లో కూడా వాతావరణం మారనుందని.. రాబోయే 24 గంటల్లో బలమైన ఉరుములు, వానలు, వడగళ్ల వానలు కురిసే అవకాశం ఉందని భారత వాతావరణ శాఖ హెచ్చరిక జారీ చేసింది. రాజధాని లక్నో.. దాని పరిసర ప్రాంతాల్లో వాతావరణం ఆహ్లాదకరంగా ఉండే అవకాశం ఉందని.. ఉరుములు, వానలు, వడగళ్లు పడే అవకాశం ఉందని వెల్లడించింది. ఈ సమయంలో గంటకు 50 నుంచి 60 కిలోమీటర్ల వేగంతో బలమైన గాలులు వీచే అవకాశం ఉంది.
IMD Weather Alert !
Two back-to-back western disturbances are set to impact Northwest India this week, with peak activity expected on April 3–4 and again on April 7.
🌩️ Hailstorms likely across parts of the region
🌧️ Isolated heavy rainfall expected over Kashmir Valley on April… pic.twitter.com/WNAFru5V1A— India Meteorological Department (@Indiametdept) April 3, 2026
#WATCH उत्तर प्रदेश | नोएडा के कई हिस्सों में तेज बारिश हुई। pic.twitter.com/uSIpe5F4OW
— ANI_HindiNews (@AHindinews) April 3, 2026