CJP Protest: సీజేపీ నిరసన.. జంతర్ మంతర్ చుట్టూ ఇంటర్నెట్ షట్‌డౌన్!
- CJP నిరసనకు ముందు ఢిల్లీ పోలీసుల కీలక ఆదేశం
- జంతర్ మంతర్ చుట్టూ మొబైల్ ఇంటర్నెట్ సేవలు బంద్
- Follow Us :
-
-
Add as a preferred
source on google
CJP Protest: ఎన్నికల ప్రధాన కమిషనర్ (CEC) జ్ఞానేశ్ కుమార్ రాజీనామా చేయాలని డిమాండ్ చేస్తూ అక్టోబర్ 10 శనివారం ఢిల్లీలో నిరసనకు కాక్రోచ్ జనతా పార్టీ(CJP) పిలుపునిచ్చింది. ఇప్పటికే, ఢిల్లీ పోలీసులు కట్టుదిట్టమైన భద్రత ఏర్పాటు చేశారు. మరోవైపు, మెట్రో స్టేషన్లు మూసేయడంతో పాటు ఢిల్లీకి వచ్చే పలు రైళ్లను రద్దు చేశారు.
ఇదిలా ఉంటే, తాజాగా మరో నిర్ణయం తీసుకున్నారు. జంతర్ మంతర్ పరిసర ప్రాంతాల్లో మొబైల్ ఇంటర్నెట్ సేవల్ని 24 గంట పాటు నిలిపేయాలని ఆదేశించారు. ఢిల్లీలోని జన్‌పథ్‌–కర్తవ్య పథ్ కూడలి నుంచి నాలుగు కిలోమీటర్ల పరిధిలో శుక్రవారం రాత్రి 10 గంటల నుంచి మొబైల్ ఇంటర్నెట్ సేవలను నిలిపివేయాలని పోలీసులు ఆదేశించారు.
అక్టోబర్ 9 రాత్రి 10 గంటల నుండి అక్టోబర్ 10 రాత్రి 10 గంటల వరకు ఈ సేవలు నిలిపివేయబడతాయి. అన్ని రకాల మొబైల్ ఇంటర్నెట్ సేవలను నిలిపివేయాలని కేంద్ర హోం శాఖ ఆదేశాలు జారీ చేసింది.