CM Vijay: బ్యానర్లు, ఫ్లెక్సీలు కట్టారో.. విజయ్ పార్టీ వార్నింగ్..

CM Vijay: తమిళనాడు సీఎంగా విజయ్ బాధ్యతలు చేపట్టినప్పటి నుంచి విప్లవాత్మక నిర్ణయాలు తీసుకుంటున్నారు. ప్రార్థనా మందిరాలు, బస్‌స్టాండ్లు, పాఠశాలకు 500 మీటర్ల పరిధిలో ఉన్న 717 ప్రభుత్వ మద్యం దుకాణాలను మూసేయాలని మంగళవారం ఆదేశించారు. ఇదిలా ఉంటే, సొంత పార్టీ టీవీకే కార్యకర్తలు, నాయకులు, అభిమానులకు కూడా పార్టీ హెచ్చరికలు జారీ చేసింది.

Read Also: Puttu Recipe : ఆవిరిపై అమృతం.. కేరళ ఫేమస్ బ్రేక్ ఫాస్ట్ పుట్టు ఇలా ఈజీగా చేసుకోండి..!

పుట్టిన రోజులు, కుటుంబ కార్యక్రమాల వంటి వాటికి బ్యానర్లు, పోస్టర్లు, ప్లెక్సీలు ఏర్పాటు చేయవద్దని టీవీకే ఆదేశించింది. ప్రజలకు, వాహన రాకపోకలకు అంతరాయం కలిగించే విధంగా వీటిని ఏర్పాటు చేయొద్దని పార్టీ జనరల్ సెక్రటరీ, మంత్రి ఎన్ ఆనంద్ ఎక్స్ పోస్టులో చెప్పారు.

‘‘తమిళ ప్రజల సంక్షేమమే లక్ష్యంగా తమిళగ వెట్రి కజగం స్థాపించబడింది. తమిళ ప్రజల ఏకగ్రీవ విశ్వాసాన్ని పొందిన నాయకుడు, సీఎం మనందరికి గొప్ప బాధ్యత అప్పగించారని అంతా గుర్తుంచుకోవాలి. ఆ లక్ష్యం వైపు పయనించాలి. పుట్టిన రోజు వేడుకలు, కుటుంబ కార్యక్రమాల వంటి వాటి కోసం ప్రజలకు ఇబ్బంది కలిగించే విధంగా, ట్రాఫిక్‌కు ఆటంకం కలిగించే విధంగా బ్యానర్లు, పోస్టర్లు వేయవద్దు. వీటికి పాల్పడిన వారిపై కఠిన చర్యలు తీసుకోబడుతాయి’’ అని ఎక్స్ పోస్టు పేర్కొంది.