MP: ఉమెన్స్ షెల్టర్ హోమ్‌లోకి యువకులు ఎంట్రీ.. ఆ తర్వాత ఏం జరిగిందంటే..!

అదొక షెల్టర్ హోమ్. కట్టుదిట్టమైన భద్రత ఉంది. సమయం అర్ధరాత్రి. సెక్యూరిటీ సిబ్బంది కూడా ఉన్నారు. అందరూ నిద్రలోకి జారుకున్నారు. కొందరు యువకులు గోడ దూకి లోపలికి ప్రవేశించారు. గేటుకు తాళాలు వేసున్నాయి. తెలివిగా గేటు ఓపెన్ చేసుకుని లోపలికి వెళ్లారు. కొద్దిసేపటికి ఒక అమ్మాయి.. అబ్బాయిలతో బయటకు వెళ్లిపోయింది. ఇదంతా అక్కడే ఉన్న సీసీ కెమెరాలో రికార్డ్ అయింది. అసలు వాళ్లు ఎవరు? షెల్టర్ హోమ్‌లోకి ఎలా వెళ్లారు. సలైంట్‌గా అమ్మాయి ఎందుకు వెళ్లిపోయింది. ఈ వివరాలు తెలియాలంటే ఈ వార్త చదవండి.

ఇది కూడా చదవండి: Mamata Banerjee: మమతా బెనర్జీ వ్యాఖ్యలపై బంగ్లాదేశ్ ఆగ్రహం.. దౌత్యపరంగా నిరసన..

గ్వాలియర్ షెల్టర్ హోమ్‌లో 17 ఏళ్ల అమ్మాయి ఉంటుంది. అయితే.. ఆమె.. అరుణ్ అనే అబ్బాయిను ప్రేమించింది. అయితే అతడితో వెళ్లిపోయేందుకు ప్లాన్ వేసుకుంది. దీంతో అరుణ్.. తన స్నేహితుల సాయం కోరాడు. అందుకు వారు కూడా సమ్మతి తెలిపారు. దీంతో జూలై 19న అర్ధరాత్రి ఒంటి గంట సమయంలో గోడ దూకి లోపలికి వచ్చారు. తీరా చూస్తే గేటుకు తాళం వేసి ఉంది. అంతే అక్కడే నిద్రిస్తున్న మహిళా సెక్యూరిటీ గార్డు నుంచి చాకచక్యంగా తాళాలు దొంగిలించారు. అనంతరం చడీచప్పుడు లేకుండా అమ్మాయిను బయటకు తీసుకుపోయారు. ఇదంతా అక్కడే ఉన్న సీసీకెమెరాలో రికార్డ్ అయింది. సిబ్బంది ఫిర్యాదుతో అరుణ్ స్నేహితుల్ని అదుపులోకి తీసుకున్నారు. అమ్మాయి.. అబ్బాయి మాత్రం పరారీలో ఉన్నారు. వారి కోసం పోలీసులు గాలిస్తున్నారు. అమ్మాయిను బయటకు తెచ్చేందుకు సాయం చేయమంటే సహాయం చేసినట్లుగా స్నేహితులు తెలిపారు. ఇదిలా ఉంటే ఈ అమ్మాయి ఇలా పారిపోవడం మూడోసారి కావడం విశేషం. ఇంతకముందు ఇంట్లో నుంచి రెండు సార్లు పారిపోయింది. తాజాగా షెల్టర్ హోమ్ నుంచి పరారైంది. ఇద్దరి కోసం పోలీసులు గాలిస్తున్నారు.