Sreeleela: యంగ్ హీరోయిన్ కి కూడా కటౌట్ పెట్టేసారు…

కమర్షియల్ సినిమాల్లో స్టార్ హీరోల పక్కన నటించే హీరోయిన్స్ కి పెర్ఫార్మెన్స్ ఇవ్వడానికి పెద్ద స్కోప్ ఉండదు. తెరపై హీరోనే ఎక్కువ కనిపిస్తాడు, హీరోయిన్ స్క్రీన్ టైం చాలా తక్కువ. ఉన్నంతలోనే గ్లామర్ షో, సాంగ్స్, రెండు మూడు డైలాగులు చెప్పేసి ఆడియన్స్ ని అట్రాక్ట్ చేయాలి. దాదాపు అందరి హీరోయిన్స్ కథ ఇదే, అయితే ఎక్కడో కొంతమంది హీరోయిన్స్ మాత్రం ఇందుకు భిన్నంగా… కమర్షియల్ సినిమాల్లో నటించినా కూడా తమకంటూ స్పెషల్ క్రేజ్ ని సొంతం చేసుకుంటారు. సౌందర్య, విజయశాంతి, అనుష్క, సమంతా, నయనతార లాంటి హీరోయిన్స్ హీరోల పక్కన నటిస్తూనే తమకంటూ సొంత ఫాలోయింగ్ ని క్రియేట్ చేసుకున్నారు. హీరోలతో సంబంధం లేకుండా మార్కెట్ ని కూడా క్రియేట్ చేసుకున్నారు. వీరిలో ఎవరి సినిమా రిలీజ్ అయినా థియేటర్స్ దగ్గర కటౌట్స్ పెట్టి ఫాన్స్ హల్చల్ చేస్తూ ఉంటారు. అయితే అనుష్క, సమంతా, నయనతార లాంటి హీరోయిన్స్ ని కటౌట్స్ పెట్టడానికి చాలా ఏళ్ల టైం పట్టింది. యంగ్ హీరోయిన్ శ్రీలీల మాత్రం ఇందుకు భిన్నంగా కనిపిస్తోంది.

పెళ్లి సందడి సినిమాతో తెలుగు ప్రేక్షకులకి దగ్గరైన ‘శ్రీలీల’ అతి తక్కువ కాలంలోనే యూత్ లో మంచి క్రేజ్ ని సొంతం చేసుకుంది. ఈ కన్నడ బ్యూటీ నటిస్తున్న లేటెస్ట్ సినిమా ‘ధమాకా’. రవితేజ హీరోగా నటిస్తున్న ఈ మూవీ డిసెంబర్ 23న ఆడియన్స్ ముందుకి రాబోతోంది. ఈ మూవీ రిలీజ్ కి మరి కొన్ని గంటల సమయం మాత్రమే ఉండడంతో ఫాన్స్ కటౌట్స్ పెట్టి సందడి చేస్తున్నారు. అయితే బెంగుళూరులోని ‘భూమిక థియేటర్’ దగ్గర రవితేజతో పాటు శ్రీలీల ఉన్న కటౌట్ ని కూడా పెట్టారు. తెలుగులో నటించిన రెండో సినిమాకే ఒక కటౌట్ లో రవితేజ లాంటి మాస్ హీరో పక్కన నిలబడే రేంజుకి వెళ్లింది అంటే రాబోయే రోజుల్లో శ్రీలీలా లేడీ సూపర్ స్టార్ అయినా ఆశ్చర్యపోవాల్సిన అవసరం లేదు.

MassMaharaja @RaviTeja_offl 's #Dhamaka Mass Cutout at
Bangalore Bhumika Theatre💥#DhamakaFromDec23

Book your 🎫 https://t.co/iZ40p9tVxq@sreeleela14 @TrinadharaoNak1 @vishwaprasadtg @vivekkuchibotla @KumarBezwada @sujithkolli @AAArtsOfficial pic.twitter.com/6VbkqCERVQ

— People Media Factory (@peoplemediafcy) December 22, 2022