Toxic OTT: ‘కేజీఎఫ్: చాప్టర్ 2’ తర్వాత దాదాపు నాలుగేళ్ల పాటు యశ్ కోసం ఎదురుచూసిన అభిమానులకు ‘టాక్సిక్’ భారీ అంచనాలతో థియేటర్లలోకి వచ్చింది. గీతూ మోహన్దాస్ దర్శకత్వంలో తెరకెక్కిన ఈ సినిమా థియేటర్లలోకి వచ్చిన తర్వాత మాత్రం అంచనాలను అందుకోలేకపోయింది. బాక్సాఫీస్ దగ్గర ఆశించిన స్థాయిలో సత్తా చాటలేకపోయిన ఈ మూవీకి ఇప్పుడు ఓటీటీ రూపంలో మరో అవకాశం దక్కబోతుందా? ఓటీటీ ఆడియన్స్ ఈ సినిమాను ఎలా ఆదరిస్తారు? అనే చర్చ కూడా ఇప్పుడు బాగానే నడుస్తోంది. ప్రస్తుతం ‘టాక్సిక్’ ఓటీటీ రిలీజ్ గురించి కొత్తగా ఓ తేదీ సోషల్ మీడియాలో, సినీ వర్గాల్లో చక్కర్లు కొడుతోంది. 2026 సెప్టెంబర్ 25 నుంచి ఈ సినిమా ZEE5లో స్ట్రీమింగ్కు అందుబాటులోకి రావచ్చనే ప్రచారం జరుగుతోంది. అయితే ఈ డేట్ పై ఇప్పటివరకు చిత్ర నిర్మాతలు కానీ, ZEE5 సంస్థ కానీ ఆఫీషియల్ గా అనౌన్స్ చేయలేదు. గతంలో కూడా ZEE5 ఈ సినిమా డిజిటల్ హక్కులను దక్కించుకుందనే వార్తలు వచ్చాయి. కానీ స్ట్రీమింగ్ డేట్ పై మాత్రం క్లారిటీ రాలేదు.
మరోవైపు ‘టాక్సిక్’ డిజిటల్ బిజినెస్ విషయంలో కూడా హాట్ హాట్ గా చర్చ నడిచింది. థియేటర్లలో సినిమా ఆశించిన స్థాయిలో ఆడకపోవడంతో ఓటీటీ హక్కుల పై కూడా ప్రభావం పడినట్లు సమాచారం. సినిమా రిలీజ్ కు ముందు 150కోట్లకు పలికిన ధర, ప్రస్తుతం సుమారు రూ.30 కోట్ల ఆఫర్ తో మాత్రమే వాదులుకోవాల్సి వచ్చిందని వార్తలు వస్తున్నాయి. మరింత ఎక్కువ ఆఫర్ వస్తుందని ఆశించి నిర్మాతలకు సినిమా బాక్స్ ఆఫీస్ వద్ద బోల్తా కొట్టడంతో భారీ నష్టాలనే చవిచూసింది. ‘టాక్సిక్’లో యశ్తో పాటు నయనతార, కియారా అద్వానీ, హుమా ఖురేషి, తారా సుతారియా, రుక్మిణి వాసంత్ కీలక పాత్రల్లో నటించారు. కేవీఎన్ ప్రొడక్షన్స్, మాన్స్టర్ మైండ్ క్రియేషన్స్ సంయుక్తంగా నిర్మించిన ఈ సినిమాకు రవి బస్రూర్ సంగీతం అందించారు. యశ్ నుంచి ‘కేజీఎఫ్’ తర్వాత వచ్చిన సినిమా కావడంతో మొదటి నుంచే దీనిపై భారీ అంచనాలు నెలకొన్నాయి.
అయితే థియేటర్లలో నెగిటివ్ రెస్పాన్స్ వచ్చినప్పటికీ, ఓటీటీ ప్రేక్షకుల విషయంలో పరిస్థితి భిన్నంగా ఉండొచ్చనే అభిప్రాయం కూడా వ్యక్తమవుతోంది. థియేటర్లలో నచ్చని సినిమాలు కూడా ఇంట్లో ప్రశాంతంగా చూసినప్పుడు కొత్తగా కనెక్ట్ అవుతున్న సందర్భాలు చాలానే ఉన్నాయి. అయితే ప్రస్తుతం అందుబాటులో ఉన్న సమాచారం ప్రకారం ‘టాక్సిక్’కు సెప్టెంబర్ 25న ZEE5లో స్ట్రీమింగ్ అంటూ వస్తున్న వార్తలు మేకర్స్ నుంచి అధికారిక ప్రకటన వచ్చిన తర్వాతే క్లారిటీ వస్తుంది. థియేటర్లలో నిరాశపరిచిన ‘టాక్సిక్’కు ఓటీటీలో అయినా ప్రేక్షకుల నుంచి మంచి స్పందన వస్తుందా, యశ్ సినిమా డిజిటల్లో తన సత్తా చూపిస్తుందా అనేది చూడాలి.