Toxic English Version: యష్ ‘టాక్సిక్’కు మరో షాక్.. ఇంగ్లీష్ వెర్షన్కు సౌండ్ నిల్..
- Follow Us :
-
-
Add as a preferred
source on google
Toxic English Version: రాకీ భాయ్గా యష్కు వచ్చిన క్రేజ్ గురించి ప్రత్యేకంగా చెప్పాల్సిన అవసరం లేదు. ‘కేజీఎఫ్’ సిరీస్ తర్వాత ఆయన నుంచి వచ్చే ప్రతి అప్డేట్ భారీ అంచనాలతోనే సాగింది. అలాంటి క్రేజ్తో విడుదలైన ‘టాక్సిక్ కు మొదటి రోజు బాక్సాఫీస్ వద్ద భారీ ఓపెనింగ్ వచ్చింది. ఏకంగా రూ.101 కోట్ల నెట్తో సినిమా ఖాతా తెరవడంతో యష్ మరోసారి తన స్టామినాను నిరూపించారని అనిపించింది. కానీ ఆ తర్వాత పరిస్థితులు అనుకున్నంతగా సాగలేదు. ప్రేక్షకుల నుంచి నెగిటివ్ స్పందన రావడంతో సినిమా ఊపందుకోలేకపోయింది. ఇప్పుడు మరో విషయంలోనూ ఈ మూవీకి ఎదురు దెబ్బ తగిలినట్లు తెలుస్తోంది. ఇంగ్లీష్ వెర్షన్కు వచ్చిన స్పందన అయితే మరింత ఆశ్చర్యపరుస్తోంది.
యష్ నటించిన ‘టాక్సిక్’ ఇంగ్లీష్ వెర్షన్ సెప్టెంబర్ 4న భారతదేశంలోని కొన్ని ఎంపిక చేసిన థియేటర్లలో విడుదలైంది. ముంబై, బెంగళూరు, గురుగ్రామ్, నోయిడా నగరాల్లో మాత్రమే మొత్తం 11 షోలతో ప్రదర్శించారు. ట్రేడ్ డేటా ప్రకారం తొలి రోజు ఈ ఇంగ్లీష్ వెర్షన్కు దేశవ్యాప్తంగా సుమారు 450 టికెట్లు మాత్రమే అమ్ముడయ్యాయి. దాంతో మొదటి రోజు వసూళ్లు దాదాపు రూ.1.40 లక్షలకే పరిమితమయ్యాయి. ఇలాంటి భారీ అంచనాలతో వచ్చిన యష్ సినిమా కొత్త వెర్షన్కు ఇంత తక్కువ స్పందన రావడం మరింత ఆశ్చర్యానికి గురి చేస్తోంది. ముఖ్యంగా గురుగ్రామ్, నోయిడాలో పరిస్థితి మరింత నీరసంగా కనిపించింది. ఈ రెండు నగరాల్లో కలిపి ఒక్కో నగరంలో 25 కంటే తక్కువ టికెట్లు అమ్ముడైనట్లు ట్రేడ్ రిపోర్టులు పేర్కొన్నాయి. ముంబై, బెంగళూరులో మాత్రం మిగతా ప్రాంతాలతో పోలిస్తే కొంత మెరుగైన ఆక్యుపెన్సీ నమోదైంది. అయినప్పటికీ మొత్తం మీద ఇంగ్లీష్ వెర్షన్కు వచ్చిన డిమాండ్ నిర్మాతలు ఆశించిన స్థాయిలో లేదనే విషయం తొలి రోజు గణాంకాలతో స్పష్టమవుతోంది.
Also Read
- Chiranjeevi on Kaaka: డెఫినెట్లీ కొడతాం.. 'కాక' సినిమాపై మెగాస్టార్ కీలక వ్యాఖ్యలు..!
- Amala Akkineni: అక్కినేని కోడళ్లపై అమల ఆసక్తికర వ్యాఖ్యలు! అఖిల్ భార్యపై స్పెషల్ కామెంట్స్..
- Ramya Krishnan: క్యాస్టింగ్ కౌచ్ నిన్న జరిగింది, నేడు జరుగుతోంది, రేపూ జరుగబోతుంది..!
- Sai Pallavi: సినిమాల్లోకి రాకముందే సాయి పల్లవి నంబర్ను 'హీరోయిన్' అని సేవ్ చేసుకున్న స్టార్ డైరెక్టర్!
అయితే ఈ ఇంగ్లీష్ వెర్షన్ ను దాదాపు 17 నిమిషాలు తక్కువ నిడివితో రూపొందించారు. ఇంగ్లీష్ కట్ రన్టైమ్ సుమారు 2 గంటల 57 నిమిషాలు ఉండగా, మిగతా భాషల వెర్షన్ దానికంటే ఎక్కువ నిడివితో ఉంది. దీంతో కొత్త కట్ ద్వారా ఇంగ్లీష్ వెర్షన్ అయినా ఆకట్టుకోవాలని మేకర్స్ ప్రయత్నించినట్లు తెలుస్తోంది. కానీ ఈ కొత్త కట్ కూడా ప్రేక్షకులను థియేటర్లకు తీసుకురావడంలో పెద్దగా ప్రభావం చూపలేకపోయింది. కేవలం 450 టికెట్ల అమ్మకాలు చూస్తే పరిస్థితి ఎంత బలహీనంగా ఉందో అర్థమవుతోంది. తాజా ట్రేడ్ అంచనాల ప్రకారం ఇదే పరిస్థితి కొనసాగితే ఇంగ్లీష్ వెర్షన్ లైఫ్టైమ్ కలెక్షన్ రూ.10 లక్షల మార్కును కూడా చేరకపోవచ్చని అంచనా వేస్తున్నారు.
ఇక ‘టాక్సిక్’ అసలు థియేట్రికల్ జర్నీని చూస్తే ఈ పరిస్థితి ఎందుకు వచ్చిందనే ప్రశ్నకు కొన్ని కారణాలు కనిపిస్తాయి. ఆగస్టు 26న కన్నడ ఒరిజినల్తో పాటు హిందీ, తెలుగు, తమిళ, మలయాళ డబ్బింగ్ వెర్షన్లు విడుదలయ్యాయి. మొదటి రోజే రూ.101.10 కోట్ల నెట్ వసూళ్లు రావడంతో సినిమా భారీ విజయాన్ని సాధిస్తుందని అంచనాలు పెరిగాయి. కానీ తొలి రోజు తర్వాత నెగెటివ్ టాక్ తో వసూళ్లు గణనీయంగా పడిపోయాయి. ‘టాక్సిక్’ 10 రోజులు పూర్తి చేసుకునేసరికి ప్రపంచవ్యాప్తంగా దాదాపు రూ. 331 కోట్ల గ్రాస్ కలెక్షన్లను రాబట్టింది. 2026 ఆగస్టు 26న థియేటర్లలోకి వచ్చిన ఈ మూవీ మొదటి రోజునే ఏకంగా రూ. 101.10 కోట్ల భారీ ఓపెనింగ్స్ సాధించి సంచలనం సృష్టించింది. అయితే నెగిటివ్ టాక్ తో 10వ రోజు నాటికి భారతదేశంలో ఈ మూవీ రూ. 241.05 కోట్ల నెట్ కలెక్షన్లను (రూ. 287.75 కోట్ల గ్రాస్) సాధించగా, ఓవర్సీస్ నుండి మరో రూ. 43.25 కోట్ల గ్రాస్ వసూలైంది. 2000వేల కోట్లు వసూలు చేస్తుందని అనుకున్న ఈ మూవీకి ఈ కలెక్షన్స్ చాలా తక్కువే. కనీసం పెట్టిన పెట్టుబడి కూడా రికవరీ కానట్లు తెలుస్తోంది.
తాజావార్తలు
-
Iran vs America: ఇరాన్ డర్టీ బాంబ్.. అమెరికాలో అలెర్ట్!
-
El Nino: 1997ను మించిన విధ్వంసం.. నాసా బిగ్ వార్నింగ్
-
Jimmy Tata: టాటా గ్రూప్లో భారీ కుదుపు..! అసలేం జరుగుతోంది?
-
MS Dhoni-Sakshi: కొన్ని అధ్యాయాలు ముగియాల్సిందే.. ఎంఎస్ ధోనీ కొత్త ప్రయాణంపై సాక్షి ఆసక్తికర పోస్ట్!
-
AP Panchayat Elections: నగదు ఇచ్చుకో.. సర్పంచి పదవి పుచ్చుకో! రేణిగుంటలో రూ.1.5 కోట్ల డిమాండ్?
ట్రెండింగ్
-
SRH-IPL 2027: హెడ్కు గుడ్బై.. మరో 8 మంది అవుట్.. ఎస్ఆర్హెచ్ రిటెన్షన్, రిలీజ్, పర్స్ డీటెయిల్స్ ఇవే!
-
MS Dhoni Drone Show: రెండు కళ్లు చాలవుగా చూడడానికి.. ధోనీ రెటైమెంట్తో ప్రత్యేక డ్రోన్ షో నిర్వహించిన సీఎస్కే..!
-
IPL 2027 Retentions: ధోనీ ఔట్.. ట్రావిస్ హెడ్, స్టార్క్కు షాక్.. 10 జట్ల రిటెన్షన్, రిలీజ్, పర్స్ డీటెయిల్స్ ఇవే!
-
200MP కెమెరా, AMOLED సెకండరీ డిస్ప్లే, 6,000mAh బ్యాటరీతో Xiaomi 18 Pro లాంచ్..!
-
200MP+200MP కెమెరాలు, IP66+IP68+IP69 రేటింగ్స్, 7,050mAh బ్యాటరీతో ప్రీమియం ఫోన్ Xiaomi 18 Pro Max లాంచ్..!