Ustaad Bhagat Singh : ఉస్తాద్ భగత్ సింగ్ సినిమా పూర్తి రీమేక్ కాదంటూ క్లారిటీ ఇచ్చిన రచయిత దశరధ్..

పవర్ స్టార్ పవన్ కళ్యాణ్ మరియు హరీష్ శంకర్ కాంబినేషన్ లో వస్తున్న సినిమా ఉస్తాద్ భగత్ సింగ్. ఈ సినిమాలో శ్రీలీల హీరోయిన్ గా నటిస్తున్న విషయం తెలిసిందే. ఈ సినిమా షూటింగ్ కొంత భాగం పూర్తి అయింది.పవన్ కళ్యాణ్ వారాహి యాత్రలో బిజీగా ఉండటంతో ఈ సినిమా షూటింగ్ ఆలస్యం కానున్నట్లు సమాచారం.అయితే ఈ సినిమా తమిళ సినిమా అయిన తేరి సినిమాకు రీమేక్ అని గతంలో వార్తలు బాగా వైరల్ అయ్యాయి.అయితే ఉస్తాద్ భగత్ సింగ్ సినిమాకు రచయితగా పని చేస్తున్న దశరథ్ ఈ సినిమా పై పవన్ కళ్యాణ్ ఫ్యాన్స్ కు వున్న అనుమానాలను తీర్చేసాడని సమాచారం. ఒక యూట్యూబ్ ఛానల్ కు ఇంటర్వ్యూ ఇచ్చిన దశరథ్ తేరి సినిమా నుంచి కేవలం బేస్ లైన్ ను మాత్రమే హరీష్ శంకర్ తీసుకున్నారని పూర్తిగా సొంత కథతోనే ఈ సినిమా తెరకెక్కుతోందని ఆయన చెప్పుకొచ్చారు.కథ పూర్తిగా ఎంతో డిఫరెంట్ గా ఉంటుందని ఆయన తెలిపారు.ఉస్తాద్ భగత్ సింగ్ సినిమాలో పవన్ కళ్యాణ్ పోలీస్ పాత్రలో కనిపించబోతున్న విషయం తెలిసిందే. ఇప్పటికే విడుదల చేసిన గ్లింప్స్ అదిరిపోయింది. ఆ గ్లింప్స్ కు దేవిశ్రీ ఇచ్చిన బాక్గ్రౌండ్ మ్యూజిక్ కూడా ఎంతగానో అలరించింది.

పవన్ కళ్యాణ్ వారాహి యాత్ర పూర్తి కాగానే వరుస షూటింగ్ లతో ఎంతో బిజీ కానున్నారు. పవన్ చేస్తున్న సినిమాలపై అంచనాలు భారీగా పెరుగుతున్నాయి. పవన్ నటిస్తున్న వరుస సినిమాలు విజయం అందుకోవాలని ఫ్యాన్స్ కోరుకుంటున్నారు.పవన్ కళ్యాణ్ తో సినిమా చేయాలనీ టాలెంట్ వున్న యంగ్ డైరెక్టర్లు ఎంతో ఆసక్తి గా ఎదురు చూస్తున్నారు.. పవన్ కళ్యాణ్ కెరీర్ లో విభిన్నంగా ఉండే పాత్రలనీ ఎంచుకుంటున్నట్లు సమాచారం.. పవన్ కళ్యాణ్ కథలో వైవిధ్యం ఉండేలా జాగ్రత్తలు తీసుకుంటున్నారు. స్ట్రెయిట్ సినిమాలకు పవన్ ఎక్కువగా ప్రాధాన్యత ఇస్తున్నారు. పవన్ త్వరలో మరిన్ని కొత్త సినిమాలను ప్రకటించే అవకాశం ఉందని తెలుస్తోంది.