Salman Khan: రూ. 1000 కోట్లు రెమ్యూనిరేషన్.. నా కేసులకే సరిపోవు
Salman Khan: బాలీవుడ్ కండల వీరుడు సల్మాన్ ఖాన్ ప్రస్తుతం వరుస సినిమాలతో బిజీగా ఉన్న విషయం తెల్సిందే. ఇక ఒక పక్క సినిమాలు చేస్తూనే ఇంకోపక్క బిగ్ బాస్ రియాలిటీ షోకు తిరుగులేని హోస్ట్ గా వ్యవహరిస్తున్నాడు. 15 సీజన్లకు ఒక్కడే హోస్ట్ చేసిన ఘనత సల్మాన్ ది. ఇక బిగ్ బాస్ 16 కు కూడా ఈ హీరోనే హోస్ట్ గా వ్యవహరిస్తున్నాడు. అయితే ఈ సీజన్ కోసం సల్మాన్ ఏకంగా రూ. 1000 కోట్లు రెమ్యూనిరేషన్ తీసుకుంటున్నట్లు వార్తలు గుప్పుమంటున్నాయి. ఈ నేపథ్యంలోనే ఈ వార్తలను ఖండించాడు సల్మాన్.. ఇటీవల ఒక ఇంటర్వ్యూలో పాల్గొన్న సల్మాన్ మాట్లాడుతూ ” రూ. 1000 కోట్లు రెమ్యూనిరేషనా.. అంత ఇస్తే జీవితంలో నేను పని చేయాల్సిన అవసరం లేదు. ఒక్కసారి అంత రెమ్యూనిరేషన్ తీసుకోవాలని నాకు ఆశగానే ఉంది. నిజం చెప్పాలంటే ఇప్పుడు మీరు చెప్తున్న దాంట్లో నాలుగో వంతు కూడా రాదు.
ఒకవేళ అంత రెమ్యూనిరేషన్ వచ్చినా.. అది నా కేసులకు, లాయర్ల ఫీజులకు సరిపోతుంది. నాకన్నా నా లాయర్లు ఎక్కువే తీసుకుంటారు. ఇక ఈ వార్తలను ఈడీ, ఇన్ కమ్ ట్యాక్స్ ఆఫీసర్లు కూడా చూస్తూ ఉంటారు. బిగ్ బాస్ కు వేరే ఆప్షన్ లేక నన్ను తీసుకుంటున్నారు. చాలా సార్లు విసుగొచ్చి నేను చేయను అని చెప్పాను. కానీ,. వేరేవారు ఎవ్వరు హోస్ట్ గా ఒప్పుకోకపోవడంతో నేనే చేయాల్సి వస్తుంది. ఆ గొడవలు, ఇంట్లో వారు చేసే పనులు నాకు ఎంతో విసుగును తెప్పిస్తాయి. కొన్నిసార్లు కోపం తట్టుకోలేక అరిచేసేవాడిని. ఇవేమి ప్రేక్షకులకు కనిపించవు. ఎందుకంటే అది ఎడిట్ చేసినదే చూపిస్తారు.. ఒరిజినల్ గా అందులో చాలా ప్రాబ్లెమ్స్ ఉన్న ఉన్నాయి” అని చెప్పుకొచ్చాడు. ప్రస్తుతం సల్లూ భాయ్ వ్యాఖ్యలు నెట్టింట వైరల్ గా మారాయి.