SAM BAHADUR: 365 రోజుల తర్వాత రిలీజ్ కానున్న విక్కీ కౌశల్ సినిమా

బాలీవుడ్ యంగ్ హీరో విక్కీ కౌశల్, కంటెంట్ ఓరియెంటెడ్ సినిమాలు చేస్తూ హిట్స్ కొడుతున్నాడు. బయోపిక్ సినిమాలు, రియల్ లైఫ్ ఇన్సిడెంట్స్ తో తెరకెక్కే సినిమాలు చేస్తున్న విక్కీ కౌశల్ ఇప్పటికే ‘ఉరి’, ‘సర్దార్ ఉద్ధమ్’ లాంటి చిత్రాలతో మంచి విజయాలు అందుకున్నాడు. మరో బ్లాక్ బస్టర్ కొట్టడానికి, నెక్స్ట్ ఇయర్ డిసెంబర్ 1న ఆడియన్స్ ముందుకి వస్తాను అంటూ విక్కీ కౌశల్ సోషల్ మీడియాలో పోస్ట్ చేశాడు. విక్కీ ప్రస్తుతం నటిస్తున్న ‘సామ్ బహదూర్’ సినిమా షూటింగ్ దశలో ఉంది. ‘మేఘ్నా గుల్జార్’ దర్శకత్వంలో తెరకెక్కుతున్న ఈ సినిమా ‘సాన్య మల్హోత్ర’, ‘ఫాతిమా సన షేక్’ హీరోయిన్లుగా నటిస్తున్నారు. ఇప్పటికే ఫస్ట్ లుక్ తో ఆకట్టుకున్న ‘సామ్ బహదూర్’ చిత్ర యూనిట్, ఒక వీడియోని రిలీజ్ చేసి 2023 డిసెంబర్ 1న తమ సినిమాని రిలీజ్ చేస్తున్నట్లు అనౌన్స్ చేశారు.

ఇండియన్ మిలిటరీని అయిదు యుద్ధాల్లో, నాలుగు దశాబ్దాల పాటు ముందుండి నడిపించిన “ఫీల్డ్ మార్షల్ సామ్ జంషద్ జీ మానెక్ షా” జీవితం ఆధారంగా ‘సామ్ బహదూర్’ సినిమా తెరకెక్కుతోంది. ‘బ్రిటిష్ ఇండియన్ ఆర్మీ’ నుంచి సైన్యంలోనే ఉన్న ‘సామ్ బహదూర్’, 1971లో ఇండియా పాకిస్తాన్ మధ్య జరిగిన యుద్ధంలో ఇండియాని గెలిపించడంలో ముఖ్య పాత్ర పోషించారు. 9 బుల్లెట్లు శరీరంలో దిగినా యుద్ధంలో వెనకడుగు వేయని ‘సామ్ బహదూర్’ని ఇండియన్ గవర్నమెంట్ ‘పద్మ భూషణ్’, ‘పద్మ విభూషణ్’ పురస్కారాలతో సత్కరించింది. 1934 నుంచి 1973 వరకూ దేశ రక్షణలో ఉన్న ‘సామ్ బహదూర్’ 2008 జూన్ 27న మరణించారు. ఇలాంటి వ్యక్తి కథతో సినిమా చేయడం అంత ఈజీ కాదు. మరి విక్కీ కౌశల్ అండ్ టీం ‘సామ్ బహదూర్ సినిమాని’ ఎంత స్పెషల్ గా రూపొందించారో తెలియాలి అంటే 2023 డిసెంబర్ 1 వరకూ ఆగాల్సిందే.