‘లైగర్’ ఓటీటీ ఆఫర్ పై విజయ్ దేవరకొండ క్లారిటీ

డేరింగ్ అండ్ డాషింగ్ డైరెక్టర్ పూరి జగన్నాథ్ దర్శకత్వంలో విజయ్ దేవరకొండ, అనన్య పాండే జంటగా నటిస్తున్న చిత్రం ‘లైగర్’.. కాగా ఈ చిత్రానికి ఓ ప్రముఖ ఓటీటీ సంస్థ నుంచి ఫ్యాన్సీ ఆఫర్ వచ్చిందట. ఓటీటీ రిలీజ్‌తో పాటు అన్ని భాషల శాటిలైట్ రైట్స్ కోసం రూ. 200 కోట్ల భారీ ఆఫర్ ఇచ్చిందట. అయితే ఈ పోస్ట్ విజయ్ దేవరకొండకు చేరడంతో ట్విట్టర్ ద్వారా స్పందించారు. లైగర్ ఓటీటీ ఆఫర్ గురించి వచ్చిన పోస్ట్‌ను ఉద్దేశిస్తూ.. ‘ఈ ఆఫర్ చాలా తక్కువ అంటూ తెలిపాడు. అంతేకాదు, నేను థియేటర్లలో ఇంకా ఎక్కువ కలెక్ట్ చేస్తాను’ అంటూ విజయ్ ట్వీట్ చేశాడు. దీంతో పూరి-విజయ్ ఫ్యాన్స్ ఈ సినిమాపై గట్టి నమ్మకంతోనే ఉన్నారంటూ కామెంట్స్ చేస్తున్నారు. కాగా కరోనా సెకండ్ వేవ్ కంటే ముందే ముంబైలో భారీ షెడ్యూల్ పూర్తి చేసుకున్న ఈ సినిమా.. హైదరాబాద్‌లో నెక్స్ట్ షెడ్యూల్ ప్లాన్ చేస్తున్నట్టు సమాచారం.