Vey Daruvey: సాయిరామ్ శంకర్ హీరోగా నటిస్తున్న ‘వెయ్ దరువెయ్’ సినిమా టైటిల్ సాంగ్ లిరికల్ వీడియోను హీరో నాగ చైతన్య రిలీజ్ చేసారు. ఈ సందర్భంగా ఆయన మాట్లాడుతూ ‘ఈ పాట చాలా ఇంటరెస్టింగ్ గా ఉండి సినిమా చూడాలనే కూతుహలాన్ని రేపుతుంది. ఇది హిట్ అయి సాయిరామ్ కి మరిన్ని అవకాశాలు రావాలి. దీనికి పని చేసిన వాళ్లకు మంచి భవిష్యత్తు ఏర్పడాలి’ అని అన్నారు. సాయి రామ్ శంకర్ మాట్లాడుతూ ‘నాగచైతన్య చేతుల మీదుగా ఈ టైటిల్ లిరికల్ వీడియో రిలీజ్ చేయటం ఆనందంగా ఉంది. మా సినిమా నుంచి ఇది రెండవ సాంగ్. మొదటి పాట మంజుల మంజుల అయిదు మిల్లియన్ వ్యూస్ కి రీచ్ అయింది. ఇప్పుడు సినిమాలో బెస్ట్ డాన్స్ నెంబర్ అయిన ఈ టైటిల్ సాంగ్ కూడా మీకు నచ్చుతుంది’ అని చెప్పారు.
దర్శకుడు నవీన్ రెడ్డి మాట్లాడుతూ ‘కథ చెప్పగానే సింగిల్ సిట్టింగ్ సాయిరామ్ శంకర్ ఓకె చేశారు. ఆయన నా మీద ఉంచిన నమ్మకాన్ని జయించాననే అనుకుంటున్నాను’ అని తెలిపారు. ఈ సినిమాను ఫిబ్రవరి 24న రిలీజ్ చేస్తామని, ప్రస్తుతం పోస్ట్ ప్రొడక్షన్ వర్క్ జరుగుతోందని అంటున్నారు నిర్మాత దేవరాజ్. యాశ శివ కుమార్ హీరోయిన్ గా నటిస్తున్న ఈ సినిమాలో సునీల్, కాశీ విశ్వనాథ్, పోసాని కృష్ణ మురళి, పృథ్వీ ఇతర ముఖ్య పాత్ర ధారులు. ఈ సినిమాకు భీమ్స్ సంగీతం అందిస్తున్నారు.