Naresh : నరేష్ గ్యారేజ్‌లోకి కొత్త బీస్ట్: రూ. 2.7 కోట్ల పోర్షే కారు కొన్న తొలి టాలీవుడ్ నటుడు!

టాలీవుడ్ సీనియర్ నటుడు నరేష్ కి కార్లంటే పిచ్చి. అందుకే ఆయన ఎన్నో కార్లను కొనుగోలు చేసి తన ప్యాషన్ తో వాటిని డ్రైవ్ చేస్తూ ఉంటారు. ఈ క్రమంలోనే ఆయన తాజాగా కొనుగోలు చేసిన కారు ‘లుగానో బ్లూ పోర్షే పనామెరా జి3 టర్బో’ (Lugano Blue Porsche Panamera G3 Turbo). ఈ బ్లూ కలర్ బీస్ట్ లుక్స్ పరంగానే కాదు, పెర్ఫార్మెన్స్ పరంగానూ అదరగొడుతోంది. బులెట్‌ను తలపించే ఈ స్పోర్ట్స్ కార్.. కేవలం 4.8 సెకన్లలోనే 0 నుంచి 100 కిలోమీటర్ల (0-100 km/h) వేగాన్ని అందుకుంటుంది.

ఇండస్ట్రీ వర్గాల సమాచారం ప్రకారం.. ఈ పోర్షే పనామెరా లేటెస్ట్ మోడల్ కారు తెలుగు చిత్ర పరిశ్రమలో (టాలీవుడ్) మరే నటుడి వద్దా లేదు. ఈ ఖరీదైన మోడల్‌ను సొంతం చేసుకున్న మొట్టమొదటి టాలీవుడ్ యాక్టర్ నరేషే కావడం విశేషం. ఈ అత్యాధునిక లగ్జరీ కారు అంచనా ధర మార్కెట్‌లో సుమారు రూ. 2.7 కోట్లు ఉంటుందని తెలుస్తోంది. నెట్టింట నరేష్ కొత్త కారుకు సంబంధించిన వార్త వైరల్‌గా మారడంతో.. అభిమానులు, నెటిజన్లు సోషల్ మీడియా వేదికగా ఆయనకు శుభాకాంక్షలు తెలుపుతున్నారు.