Daaku Maharaaj : నేడే డాకు మహారాజ్ గ్రాండ్ ప్రీ రిలీజ్ ఈవెంట్..

నందమూరి బాలకృష్ణ హీరోగా బాబీ దర్శకత్వంలో తెరకెక్కుతున్న సినిమా ‘డాకు మహారాజ్’. భారీ బడ్జెట్ పై హై యాక్షన్ ఎంటర్టైనర్ గా వస్తున్న ఈ సినిమాలో శ్రద్దా శ్రీనాధ్ఎంప్రగ్యా జైస్వాల్ హీరోయిన్ గా నటిస్తుండంగా బాలీవుడ్ బ్యూటీ ఊర్వశి రౌతేలా కీలక పాత్రలో కనిపించనుంది. ఇప్పటికే రిలీజ్ అయిన పాటలు, ట్రైలర్స్ సినిమాపై మరిన్ని అంచనాలు పెంచాయి. ఈ చిత్రం విడుదల కోసం నందమూరి అభిమానులు ఎంతగానో ఎదురుచూస్తున్నారు.

Also Read : Ram Charan : ఆ సినిమా చేసినందుకు గిల్టీగా ఫీల్ అవుతున్నా : రామ్ చరణ్

కాగా నేడు ‘డాకు మహారాజ్’ ప్రీ రిలీజ్ ఈవెంట్ ను రాయలసీమలోని అనంతపురంలో భారీ ఎత్తున నిర్వహించనున్నారు. అందుకు సంబంధించి ఏర్పాట్లను కూడా పూర్తి చేసారు మేకర్స్. ఈ ఈవెంట్ కు ఆంధ్రప్రదేశ్ ఐటీ మినిష్టర్ నారా లోకేష్ ముఖ్య అతిధిగా విచ్చేయనున్నారు. అలాగే రాయలసీమ ప్రాంతానికి చెందిన తెలుగుదేశం పార్టీ నాయకులు కూడా పాల్గొన బోతున్నట్టు తెలుస్తోంది. అలాగే ఈ సినిమానుండి మరో ట్రైలర్ ను కూడా రిలీజ్ చేసే ఆలోచనలో ఉందట టీమ్. ఈ సారి పవర్ఫుల్ డైలాగ్స్ ఉండేలా ప్లాన్ చేస్తున్నారని సమాచారం. ఈ సినిమాలో ఇప్పటికే మూడు సాంగ్స్ రిలీజ్ చేయగా మరో సాంగ్ ను డైరెక్ట్ గా థియేటర్ లో రిలీజ్ చేయనున్నారట. తమన్ సంగీతం అందిస్తున్న ఈ సినిమాను సితార ఎంటర్టైన్మెంట్స్ బ్యానర్ పై నాగవంశీ అత్యంత భారీ బడ్జెట్ పై నిర్మిస్తుండంగా సంక్రాంతి కానుకగా జనవరి 12న వరల్డ్ వైడ్ గా రిలీజ్ కానుంది.