The Delhi Files To Start This Year, Release Next Year: విజయవంతమైన చిత్రం ‘ది కాశ్మీర్ ఫైల్స్’ తో బాలీవుడ్‌లోకి ప్రవేశించిన టాలీవుడ్ ప్రముఖ ప్రొడక్షన్ హౌస్ అభిషేక్ అగర్వాల్ ఆర్ట్స్, దర్శకుడు వివేక్ రంజన్ అగ్నిహోత్రితో కలిసి మరో ఆసక్తికరమైన ప్రాజెక్ట్ ‘ది ఢిల్లీ ఫైల్స్’ కోసం మళ్ళీ జట్టు కట్టనున్నారు. తాజాగా దర్శకుడు, నిర్మాత ఒక అప్‌డేట్‌తో ముందుకు వచ్చారు. ది ఢిల్లీ ఫైల్స్ ఈ సంవత్సరం సెట్స్‌పైకి వెళ్తుందని, వచ్చే ఏడాది విడుదలవుతుందని వివేక్ అగ్నిహోత్రి వెల్లడించారు. ‘షెడ్యూల్ ప్రకారం #TheDelhiFiles ఈ సంవత్సరం ప్రారంభమవుతుంది, వచ్చే ఏడాది విడుదలవుతుంది, బిగ్ స్టార్లు లేరు. బిగ్ కంటెంట్ మాత్రమే” అని వివేక్ అగ్నిహోత్రి పేర్కొన్నారు. దర్శకుడి స్టేట్మెంట్ పై అభిషేక్ అగర్వాల్ కూడా చిత్రం టైటిల్‌ను ట్యాగ్ చేస్తూ కన్ఫర్మ్ చేశారు. తేజ్‌ నారాయణ్‌ అగర్వాల్ సమర్పణలో అభిషేక్ అగర్వాల్ ఆర్ట్స్, ఐ యామ్‌ బుద్ధ ప్రొడక్షన్స్‌ సంయుక్తంగా నిర్మిస్తున్నాయి.
AMB Cinemas: బెంగళూరులో బ్రాంచ్ ఓపెన్ చేస్తున్న మహేష్ బాబు
ఈ చిత్రానికి అభిషేక్ అగర్వాల్, అర్చన అగర్వాల్, వివేక్ రంజన్ అగ్నిహోత్రి పల్లవి జోషి నిర్మాతలు. ఈ ప్రాజెక్ట్‌కి సంబంధించిన మరిన్ని వివరాలు మేకర్స్ త్వరలో తెలియజేస్తారని పేర్కొన్నారు. ముందుగా సినీ విమర్శకుడు సుమిత్ కాడెల్ సోషల్ మీడియాలో ఓ పోస్ట్ చేశారు. కరోమా మహమ్మారి తర్వాత చాలా మంది నటీనటుల ఆకర్షణ తగ్గిపోయిందని ఈ పోస్ట్‌లో సుమిత్ పేర్కొన్నారు. అధికారికంగా, అనధికారికంగా ప్రకటించిన చాలా పెద్ద సినిమాలు ఇప్పుడు విడుదల కావడం లేదని, ప్రస్తుతం 2-3 నటీనటులు మాత్రమే భారీ ఓపెనింగ్ గ్యారెంటీ ఇవ్వగలరని పేర్కొన్నారు. ఇలాంటి పరిస్థితుల్లో సినిమా నిర్మాతలు రిస్క్ చేయక్కర్లేదని అన్నాడు. ఈ ట్వీట్‌పై స్పందిస్తూ, వివేక్ రంజన్ అగ్నిహోత్రి ‘ది ఢిల్లీ ఫైల్స్’ షూటింగ్ షెడ్యూల్ ప్రకారం ప్రారంభమవుతుంది. ఈ సినిమా వచ్చే ఏడాది థియేటర్లలో విడుదల కానుంది. ఈ సినిమాలో పెద్ద నటులు ఎవరూ ఉండరు, కంటెంట్ మాత్రమే కింగ్ అవుతుంది” అన్నారు.
