‘మా సినిమా ఒంటరిగా చూడకండి’ అని హెచ్చరిస్తోన్న ఫిల్మ్ మేకర్స్!

‘కాన్ జ్యూరింగ్’ సిరీస్ హారర్ మూవీ లవ్వర్స్ కి బాగా ఇష్టమైన ఫ్రాంఛైజ్. ప్యాట్రిక్ విల్సన్, వెరా ఫార్మిగా ప్రధాన పాత్రలు పోషించారు. అయితే, ‘కాన్ జ్యూరింగ్’, ‘కాన్ జ్యూరింగ్ 2’ సూపర్ సక్సెస్ అవ్వటంతో ఇప్పుడు మూడో చిత్రం కోసం ప్రేక్షకులు ఎదురు చూస్తున్నారు. ‘ద కాన్ జ్యూరింగ్ : ద డెవిల్ మేడ్ మీ డూ ఇట్’ సినిమా 2019, జూన్ 3న ప్రాంభమైంది. అప్పట్నుంచీ కంటిన్యూగా పిక్చరైజేషన్ పూర్తి చేసుకున్న ‘కాన్ జ్యూరింగ్ 3’ లాక్ డౌన్ వల్ల కాస్త ఆలస్యమైంది. అయితే, ఇప్పటికే ఫిల్మ్ మేకర్స్ 2021, జూన్ 4వ తేదీని అధికారికంగా ప్రకటించారు. తాజాగా మరోసారి రిలీజ్ డేట్ కన్ ఫర్మ్ చేస్తూ ‘కాన్ జ్యూరింగ్’ టీమ్ చిన్న వీడియోని విడుదల చేసింది. అందులోనూ జూన్ 4 విడుదల అంటూ ప్రకటించారు. అయితే, ఒకేసారి థియేటర్స్ లోనూ, హెబ్ బీఓ మ్యాక్స్ ఓటీటీలోనూ జనానికి అందుబాటులోకి వస్తోన్న సీక్వెల్ మూవీకి ‘డోంట్ సీ ఇట్ అలోన్’ అనే హెచ్చరికను జత చేశారు! ఒంటరిగా చూడలేనంత హారర్… ‘కాన్ జ్యూరింగ్ : ద డేవిల్ మేడ్ మీ డూ ఇట్’లో ఏముందో చూడాలి మరి!