‘ఓ.. పిట్టకథ’, ‘అన్నపూర్ణ ఫోటో స్టూడియో’ వంటి వైవిధ్యమైన సినిమాలతో టాలెంట్ ఉన్న క్రియేటివ్ డైరెక్టర్గా ఇండస్ట్రీలో తనకంటూ ఒక ప్రత్యేక గుర్తింపు తెచ్చుకున్నారు దర్శకుడు చెందు ముద్దు. ఆయన దర్శకత్వంలో తెరకెక్కిన సరికొత్త సస్పెన్స్ క్రైమ్ థ్రిల్లర్ మూవీ ‘థాంక్యూ సుబ్బారావు’. ప్రముఖ ఓటీటీ వేదిక ‘ఆహా’లో ఈ చిత్రం నేరుగా డిజిటల్ రిలీజ్కు సిద్ధమైంది. జూన్ 18 నుంచి ఈ క్యూరియాసిటీ పెంచేసే సినిమా స్ట్రీమింగ్ కాబోతున్నట్లు మేకర్స్ అధికారికంగా అనౌన్స్ చేశారు. ఈ సినిమాను కె. రాఘవేంద్ర రెడ్డి సమర్పణలో ‘కుర్ర ప్రొడక్షన్స్’ బ్యానర్ మీద దినేష్ కుర్ర అత్యంత ప్రతిష్టాత్మకంగా నిర్మించారు. తాజాగా విడుదలైన ఈ చిత్ర ఫస్ట్ లుక్, టీజర్ అండ్ ట్రైలర్కు సోషల్ మీడియాలో విపరీతమైన రెస్పాన్స్ వస్తోంది. ఒక ప్యాసింజర్ ట్రైన్ బ్యాక్డ్రాప్లో ఊరు, పేరు, కనీసం ముఖం కూడా తెలియని ఒక అపరిచిత అమ్మాయి చుట్టూ తిరిగే ఉత్కంఠభరితమైన క్రైమ్ స్టోరీతో ఈ సినిమాను మలిచారు.
ఈ చిత్రంలో చంద్రహాస్ కోట్ల, లావణ్య సాహుకార హీరో హీరోయిన్లుగా నటించగా.. వారి మధ్య వచ్చే లవ్ ట్రాక్ చాలా రీఫ్రెషింగ్గా ఉండబోతోంది. లవ్, కామెడీ ఎలిమెంట్స్తో పాటు కథలో వచ్చే ఊహించని సస్పెన్స్, మైండ్ బెండింగ్ థ్రిల్లింగ్ ట్విస్టులు ప్రేక్షకులను చివరి వరకు సీట్ ఎడ్జ్లో కూర్చోబెట్టడం ఖాయంగా కనిపిస్తోంది. మురళీధర్ గౌడ్, రోహిత్ రెడ్డి యర్రంరెడ్డి వంటి నటులు ఇందులో కీలక పాత్రలు పోషించారు. ఈ క్రేజీ ప్రాజెక్ట్కు ప్రిన్స్ హెన్రీ ప్రాణం పెట్టే బ్యాక్గ్రౌండ్ స్కోర్ అండ్ మ్యూజిక్ అందించగా.. పంకజ్ తొట్టాడ తన కెమెరాతో రిచ్ విజువల్స్ ఆవిష్కరించారు. డి. వెంకట్ ప్రభు ఎడిటింగ్ బాధ్యతలు నిర్వహించారు.