Tanushree Dutta: స్టార్ హీరోయిన్ కు యాక్సిడెంట్.. అంతా మహకాళ్ దయ
బాలీవుడ్ స్టార్ హీరోయిన్ తనుశ్రీ దత్తా ప్రమాదానికి గురయ్యారు. సోమవారం జరిగిన ఈ ప్రమాదంలో ఆమె తావరంగా గాయపడ్డారు. ఈ విషయాన్నీ ఆమె స్వయంగా సోషల్ మీడియాలో తెలపడం విశేషం. సోమవారం మహాకాళ్ దేవాలయానికి బయల్దేరుతుండగా మార్గమధ్యలో కారు బ్రేకులు ఫెయిల్ కావడంతో ఈ ప్రమాదంజరిగినట్లు ఆమె తెలిపారు. “ఈరోజు ఒక సాహసోపేతమైన రోజు!! కానీ ఎట్టకేలకు మహాకాళ దర్శనం జరిగింది.. గుడికి వెళ్తుండగా ఘోర ప్రమాదం జరిగింది. బ్రేక్ ఫెయిల్ కావడంతో కారు క్రాష్ అయ్యింది.. చిన్న చిన్న గాయాలతో బయటపడ్డాం. కేవలం కొన్ని కుట్లు వేయడంతో అందరు తప్పించుకున్నారు.. జై శ్రీ మహాకాళ్” అని ఆమె పోస్ట్ చేసింది.
కాలికి తగిలిన గాయాన్ని ఫోటో తీసి షేర్ చేసింది. దీంతో అభిమానులు మీరు త్వరగా కోలుకోవాలని కోరుకుంటున్నాం.. అంతా మహాకాళ్ దయ.. దేవుడు దర్శనానికి వెళ్తున్నారు కదా .. ఆ దేవుడే మిమ్మల్ని కాపాడాడు అంటూ కామెంట్స్ పెడుతున్నారు. ఇక తనుశ్రీ దత్తా గురించి పెద్దగా పరిచయం చేయాల్సిన అవసరం లేదు. తెలుగులో బాలకృష్ణ సరసన వీరభద్ర లో నటించి మెప్పించింది. ఇక మీటూ ఉద్యమానికి ఆజ్యం పోసింది ఈమెనే. స్టార్ కొరియోగ్రాఫర్ పై ఆమె చేసిన ఆరోపణలు మీటూ ఉద్యమాన్ని మొదలుపెట్టేలా చేసాయి. దీంతో ఆమె పేరు ఒక్క బాలీవుడ్ లోనే కాకుండా చిత్ర పరిశ్రమలోనే మారుమ్రోగింది.