ఈ మధ్య పబ్లిక్ ప్లేస్లలో, ఈవెంట్స్లలో, పలు వేదికలపై సెలబ్రిటీలకు ఎదురయ్యే చేదు అనుభవాలను సోషల్ మీడియాలో చూస్తునే ఉంటాం. ముఖ్యంగా సినీ సెలబ్రిటీలు బయట కనిపిస్తే చాలు.. సెల్ఫీ కోసం అభిమానులు ఎగబడుతుంటారు. సదరు తారలు సైతం ఈ విషయంలో చాలా జాగ్రత్తగా వ్యవహరిస్తుంటారు. కానీ, తాజాగా తమన్నా చేసిన పనికి మాత్రం ఫిదా అవాల్సిందే. ఆమెను ఓ అభిమాని ముద్దు పెట్టుకోవడం సోషల్ మీడియాలో వైరల్గా మారింది. అయితే, ప్రస్తుతం ఇక్కడ అభిమాని అంటే లేడీ ఫ్యాన్ మాత్రమే.
Also Read: Kayadu Lohar: కాయదు కమిటెడా? నమ్మలేని కామెంట్స్ చేసిన హాట్ బ్యూటీ!
లేటెస్ట్గా ఓ కల్చరల్ ఈవెంట్కు తమన్నా ముఖ్య అతిథిగా హాజరయ్యారు. ఈ నేపథ్యంలో.. స్టేజ్ మీద తమన్నా తన గ్లామర్తో, డ్యాన్స్తో స్టూడెంట్స్ను ఉర్రూతలూగించారు. ఈ క్రమంలోనే ఒక ఆసక్తికరమైన ఘటన చోటుచేసుకుంది. స్టేజ్ మీద తనతో పాటే ఉన్న ఓ లేడీ అభిమాని తమన్నాపై తనకున్న ప్రేమను వ్యక్తపరుస్తూ ఆమె బుగ్గపై ముద్దు పెట్టుకున్నారు. సాధారణంగా ఇలాంటి సమయంలో సెలబ్రిటీలు కాస్త ఇబ్బందిగా ఫీలవుతారు. కానీ తమన్నా మాత్రం ఏమాత్రం తడుముకోకుండా, చిరునవ్వుతో ఆ ఫ్యాన్ను హగ్ చేసుకుని తిరిగి ఆమె బుగ్గపై ముద్దు పెట్టారు. సెల్ఫీ అడిగితేనే విసుక్కునే ఈ రోజుల్లో.. అభిమాని ఇచ్చిన ముద్దుకు అంతే ప్రేమతో బదులివ్వడం చూసి అక్కడి వారంతా షాక్ అయ్యారు. దీనికి సంబంధించిన వీడియో ప్రస్తుతం సోషల్ మీడియాలో ట్రెండ్ అవుతోంది. ఈ వీడియో చూసిన నెటిజన్లు.. తమన్నా నిజంగా గోల్డెన్ హార్ట్ ఉన్న వ్యక్తి అంటూ కామెంట్స్ చేస్తున్నారు. ప్రస్తుతం తమన్నా చేతిలో పలు క్రేజీ ప్రాజెక్ట్స్ ఉన్నాయి. ఒకవైపు గ్లామర్ రోల్స్ చేస్తూనే, మరోవైపు పెర్ఫార్మెన్స్ ఓరియెంటెడ్ పాత్రలతో దూసుకుపోతున్నారు.
Also Read: Peddi: టీజర్ వచ్చేస్తోంది.. వచ్చే వారం నుంచే అసలైన ఆట!
