SSMB 29 : ఏంటి సార్ ఇదీ.. వంట పాత్రలకు 20 లక్షల ఖర్చా?

SSMB 29 Production Team Spent 20 Lakhs for Cooking Utensils: మహేష్ బాబు హీరోగా రాజమౌళి దర్శకత్వంలో ఒక సినిమా తెరకెక్కబోతున్న సంగతి ప్రత్యేకంగా చెప్పాల్సిన అవసరం లేదు. త్రివిక్రమ్ తో గుంటూరు కారం చేసిన మహేష్ బాబు ప్రస్తుతానికి రాజమౌళి సినిమా కోసం మేక్ ఓవర్ అవుతున్నాడు. మహేష్ బాబు కెరియర్ లో 29వ సినిమాగా ఈ సినిమా తెరకెక్కబోతోంది. ఇది ఒక అడ్వెంచరస్ డ్రామా అని ఇండియానా జోన్స్ తరహా సినిమా అని చెప్పారు కానీ పూర్తి స్టోరీ లైన్ ఇంకా ఫైనల్ అవ్వలేదని టాక్ వినిపిస్తోంది. విజయేంద్ర ప్రసాద్ ఇప్పటికే పలు వర్షన్లు రాజమౌళి దృష్టికి తీసుకువెళ్లారు వాటికి ఫైనల్ అప్రూవల్ రావాల్సి ఉంది.

Kalki 2898 AD Collections : వసూళ్ల సునామీని కొనసాగిస్తున్న కల్కి.. 7 రోజుల్లో ఏకంగా 725+ కోట్లు..

ఎప్పుడో కొన్నేళ్ళ క్రితం ఇచ్చిన మాట కోసం రాజమౌళి కేల్ నారాయణ నిర్మాణంలో ఈ సినిమా చేస్తున్నాడు. ఇక దుర్గా ఆర్ట్స్ బ్యానర్ మీద ఈ సినిమాని భారీ బడ్జెట్ తో తెరకెక్కించడానికి రంగం సిద్ధం అవుతోంది. అయితే ఈ లోపు ఈ సినిమాకి సంబంధించి ఒక ఆసక్తికరమైన న్యూస్ టాలీవుడ్ వర్గాల్లో ప్రచారం జరుగుతోంది. అదేమిటంటే ఈ సినిమా షూటింగ్ కోసం 20 లక్షలు వెచ్చించి వంట సామాగ్రి కొనుగోలు చేసినట్లుగా తెలుస్తోంది. రాజమౌళి సినిమా అంటే ఎంతటి భారీ సెటప్ ఉంటుందో ప్రత్యేకంగా చెప్పాల్సిన అవసరం లేదు. అలాగే షూటింగ్ అనుకున్నాక ఎన్ని రోజులు పడుతుంది కూడా ఎవరూ చెప్పలేని పరిస్థితి. ఈ నేపద్యంలో వంట సామాగ్రిని అద్దెకు తీసుకురావడం కంటే నేరుగా కొనుగోలు చేస్తేనే బెటర్ అని భావించి కేఎల్ నారాయణ ప్రొడక్షన్ టీంకి ఆదేశాలు జారీ చేయగా ప్రొడక్షన్ టీం బెస్ట్ వంట సామాగ్రిని సెలెక్ట్ చేసి కొనుగోలు చేసినట్లు తెలుస్తోంది. ఆ కొనుగోలుకే ఏకంగా 20 లక్షలు ఖర్చు అయినట్లు చెబుతున్నారు.