Sree Leela: శ్రీ లీల ఏంటి ఇలా అయిపొయింది?

Sree leela Transformation Goes Viral in Social Media: మాస్ మహారాజా రవితేజ యువ ప్రతిభను ప్రోత్సహించడంలో ఎప్పుడూ ముందుంటారు. అలా యువ దర్శకులతో పని చేసి పలు బ్లాక్ బస్టర్ చిత్రాలను, గుర్తుండిపోయే పాత్రలను అందించిన ఆయన సితార ఎంటర్‌టైన్‌మెంట్స్, ఫార్చూన్ ఫోర్ సినిమాస్‌తో కలిసి తన 75వ సినిమా చేస్తున్నారు. యువ రచయిత భాను బోగవరపు ఈ చిత్రంతో దర్శకుడిగా పరిచయం అవుతున్నారు. రవితేజ తన 75వ చిత్రంలో హాస్యంతో కూడిన మాస్ పాత్రలో కనిపించనున్నారని చిత్రబృందం వెల్లడించింది. వినోదంతో కూడిన పూర్తిస్థాయి మాస్ పాత్రలో రవితేజను చూడాలని అభిమానులు ఎంతగానో ఎదురుచూస్తున్నారు. బ్లాక్ బస్టర్ చిత్రం ‘వాల్తేరు వీరయ్య’కి మాటల రచయితగా, మరో బ్లాక్ బస్టర్ ‘సామజవరగమన’కు కథ, స్క్రీన్‌ప్లే రచయితగా పని చేసి మంచి గుర్తింపు తెచ్చుకున్న భాను బోగవరపు. నందమూరి బాలకృష్ణ కథనాయకుడిగా తెరకెక్కుతోన్న ‘NBK109’కి సంభాషణలు అందిస్తున్నారు.

కుప్పంలో ల్యాబ్ అసిస్టెంట్ గన్ ఎలా తయారు చేశాడు?.. ప్రతి లొకేషన్ కి నెమలి: డైరెక్టర్ జ్ఞానసాగర్ ద్వారక ఇంటర్వ్యూ

రచయితగా అనతి కాలంలోనే తనదైన ముద్ర వేసిన భాను బోగవరపు, ఇప్పుడు రవితేజ కెరీర్ లో ఓ మైలురాయి లాంటి ఈ చిత్రంతో దర్శకుడిగా మారుతున్నారు. ఈ సినిమాలో యువ సంచలనం శ్రీలీల కథానాయికగా నటిస్తోంది. రవితేజ-శ్రీలీల జోడి గతంలో “ధమాకా”తో బ్లాక్ బస్టర్ హిట్ అందించారు. అయితే ఈ సినిమా ఓపెనింగ్ ఫోటోలు ఈరోజు ఉదయం సినిమా టీం ద్వారా బయటకు వచ్చాయి. రవితేజ సినిమా గురించి కంటే ఈ ఫొటోలలో శ్రీ లీల కొంచెం బొద్దుగా అయిన దాని గురించే చర్చ జరుగుతోంది. నిజానికి శ్రీ లీల చివరిగా గుంటూరు కారం సినిమాతో నాలుగైదు నెలల క్రితం ప్రేక్షకుల ముందుకు వచ్చింది. అప్పుడు ఆమె జీరో సైజ్ లోనే ఉంది. ఆ సినిమా ప్రమోషన్స్ లో బయట కనిపించలేదు కానీ అంతకుముందు బాలయ్య భగవంత్ కేసరి సినిమాను ప్రమోట్ చేసినప్పుడు కూడా ఆమె జీరో సైజ్ లోనే ఉంది. మధ్యలో ఎందుకో ఏమో కానీ ఇప్పుడు బొద్దుగా అవడంతో శ్రీ లీల ఏంట్రా ఇలా అయిపొయింది అంటూ నెటిజన్లు కామెంట్ చేస్తున్నారు.