SPEED 220: ఆసక్తిరేపేలా SPEED 220 ట్రైలర్

SPEED 220 Trailer Released:గణేష్, హేమంత్ ,ప్రీతి సుందర్, జాహ్నవి నటించిన SPEED 220 ట్రైలర్ ని తాజాగా దర్శక నిర్మాత తమ్మారెడ్డి భరద్వాజ్ విడుదల చేశారు. విజయలక్ష్మి ప్రొడక్షన్స్ పతాకంపై కొండమూరి ఫణి, మందపల్లి సూర్యనారాయణ, మదినేని దుర్గారావు సంయుక్తంగా నిర్మించిన చిత్రం “SPEED 220” ఆగస్టు 23వ తేదీన రిలీజ్ కానుంది. ప్రముఖ దర్శక నిర్మాత తమారెడ్డి భరద్వాజ ట్రైలర్ విడుదల అనంతరం మాట్లాడుతూ ట్రైలర్ చాలా అద్భుతంగా ఉంది, ఆర్ఎక్స్ 100 సినిమా మాదిరిగా ఇది కూడా ఒక కొత్త కథ. విభిన్నమైనటువంటి పాత్రలతో చక్కటి దర్శకత్వ ప్రతిభతో ఉన్నదని అన్నారు. చిత్ర నిర్మాతలు మాట్లాడుతూ కథ విన్న వెంటనే ఈ కథని మా విజయలక్ష్మి ప్రొడక్షన్ సంస్థ ద్వారా సినిమా నిర్మించాలని నిర్ణయించుకున్నాం అన్నారు. ఇదొక మంచి ప్రేమ కథ, ప్రస్తుత పరిస్థితుల్లో ప్రేమ వల్ల జరిగే ఇబ్బందులు, ప్రేమికులు మధ్య సంఘర్షణ కళ్ళకి కనిపించే విధంగా దర్శకుడు ఈ సినిమాని తెరకెక్కించారన్నారు. దర్శకుడు హర్ష బీజగం మాట్లాడుతూ ఆర్ఎక్స్ 100 లా ఈ సినిమా కూడా మంచి సక్సెస్ అవుతుందని అన్నారు. ఈ చిత్రానికి సంగీతం శేఖర్ మోపురి, కెమెరామెన్ క్రాంతి కుమార్, ఎడిటర్ రామకృష్ణ. ఆగస్టు 23వ తేదీన దేశవ్యాప్తంగా ఈ SPEED 220 రిలీజ్ అవుతోంది.