Ghost: దసరా కానుకగా శివరాజ్ పాన్ ఇండియా ఫిల్మ్ ‘ఘోస్ట్’ పోస్టర్

Shivraj Kumar Pan India Film Ghost Poster Release: కన్నడ స్టార్ హీరో శివరాజ్ కుమార్ కొత్త చిత్రం ‘ఘోస్ట్’. పాన్ ఇండియా సినిమాగా కన్నడ, తెలుగు, తమిళ, మలయాళ, హిందీ భాషల్లో భారీ స్థాయిలో ఈ మూవీ తెరకెక్కనుంది. యాక్షన్ థ్రిల్లర్ గా రూపొందనున్న ఈ చిత్రానికి కన్నడ బ్లాక్ బస్టర్ ‘బీర్బల్’ చిత్ర దర్శకుడు శ్రీని దర్శకత్వం వహిస్తున్నారు. రాజకీయనాయకుడు, నిర్మాత సందేశ్ నాగరాజ్ సందేశ్ ప్రొడక్షన్స్ బ్యానర్ పై దీనిని నిర్మిస్తున్నారు. విజయదశమి కానుకగా ‘ఘోస్ట్’ యూనిట్ కొత్త పోస్టర్ ను విడుదల చేసింది. ఈ పోస్టర్ చూడగానే ఆకట్టుకునేలా ఉంది. ఇక ఈ చిత్రం ప్రారంభోత్సవం భారీ స్థాయిలో పలువురు సినీ, రాజకీయనాయకుల సమక్షంలో 12న జరుగనుంది.