Prashanth Neel: ప్రభాస్ తో చొక్కా విప్పించాడు… అభిమానులు చొక్కాలు చింపుకునేలా చేసాడు
ప్రశాంత్ నీల్… ఈ మధ్య కాలంలో ఇండియా చూసిన బిగ్గెస్ట్ కమర్షియల్ డైరెక్టర్. చేసింది మూడు సినిమాలే, ఈరోజు రిలీజ్ అయ్యింది నాలుగో సినిమా. సరిగ్గా పదేళ్ల కెరీర్ కూడా లేని ఈ దర్శకుడిని పాన్ ఇండియా ఆడియన్స్ నమ్మారు. KGF సినిమాతో నెవర్ బిఫోర్ కమర్షియల్ సినిమాని ఆడియన్స్ ని పరిచయం చేసిన ప్రశాంత్ నీల్, రాజమౌళి తర్వాత లార్జ్ స్కేల్ సినిమాలో డ్రామాని సూపర్బ్ గా చూపించే దర్శకుడు అయ్యాడు. హీరోలని డెమీ గాడ్స్ గా చూపించినా కూడా అండర్ కరెంట్ గా ఉండే ఎమోషన్ తో కథని నడిపిస్తాడు ప్రశాంత్ నీల్. అందుకే ఎంత యాక్షన్ ఎపిసోడ్స్ ఉన్నా, హీరో క్యారెక్టర్ కి ఎంత ఎలివేషన్స్ ఇచ్చినా కూడా ఆడియన్స్ యాక్సెప్ట్ చేసారు, హీరోకి జేజేలు కొడతారు. ఇలాంటి దర్శకుడికి ప్రభాస్ దొరికితే ఎలా ఉంటుంది… ఈ ఊహ నుంచి పుట్టిందే సలార్. రెండు భాగాలుగా తెరకెక్కిన ఈ మూవీ అనౌన్స్ అయినప్పటి నుంచి ప్రశాంత్ నీల్ ప్రభాస్ ని ఎలా చూపిస్తాడు? ఏ రేంజ్ ఎలివేషన్స్ ఇస్తాడు? ప్రభాస్ కటౌట్ కి ప్రశాంత్ నీల్ మాత్రమే న్యాయం చేయగలడు.
ఈ మధ్య కాలంలో ప్రభాస్ పూర్తి స్థాయి మాస్ సినిమా చెయ్యలేదు, ఇప్పుడు ప్రశాంత్ నీల్ తో కలిసాడు కాబట్టి ఈ కాంబినేషన్ ఇండియన్ బాక్సాఫీస్ దగ్గర భూకంపం తెప్పిస్తుందా? ఇలా అనేక రకాల ఆలోచనలతో ప్రభాస్ ఫ్యాన్స్ రోజులు గడిపారు. వాటన్నింటికీ ఒక్క సీన్ తో సమాధానం చెప్పేసాడు ప్రశాంత్ నీల్. క్లైమాక్స్ లో ప్రభాస్ క్యారెక్టర్ కి ఒక ట్విస్ట్ ఇచ్చి… ప్రభాస్ తో షర్ట్ విప్పించాడు ప్రశాంత్ నీల్. తెరపై ప్రభాస్ షర్ట్ లెస్ గా కనపడడం ఆలస్యం థియేటర్ లో కూర్చున్న ఫ్యాన్స్ వాళ్ల చొక్కాలని చింపేసుకునే వరకూ వెళ్లారు. ఈ రేంజ్ ఎలివేషన్స్ ని కలలో కూడా ఊహించి ఉండరు. ఈ సీన్ తో ఓవర్ లోడెడ్ గూస్ బంప్స్ ఇచ్చి థియేటర్ నుంచి ఆడియన్స్ ని బయటకి పంపించాడు ప్రశాంత్ నీల్.