Seetha Kalyana Vaibhogame Producer interview: సుమన్ తేజ్, గరీమ చౌహన్ హీరో హీరోయిన్లుగా డ్రీమ్ గేట్ ప్రొడక్షన్స్ పతాకంపై రాచాల యుగంధర్ ‘సీతా కళ్యాణ వైభోగమే’ అనే చిత్రాన్ని నిర్మించగా జూన్ 21న భారీ ఎత్తున విడుదలకు సిద్దం అవుతోంది. సతీష్ పరమవేద దర్శకత్వం వహించిన ఈ సినిమా నుంచి రిలీజైన పాటలు, టీజర్, ట్రైలర్ ఇలా అన్నీ కూడా అందరినీ ఆకట్టుకున్నాయి. ఇక ఈ సినిమా నిర్మాత రాచాల యుగంధర్ మీడియాతో ముచ్చటించారు. సినిమాలంటే ముందు నుంచి ప్యాషన్. కళా రంగం మీదున్న ఆసక్తితోనే సినిమాల్లోకి వచ్చా, ముందుంగా ఊరికి ఉత్తరాన సినిమాకు కో-ప్రొడ్యూసర్‌గా పని చేసి సతీష్ తీసిన విధానం నచ్చి ఆయనతోనే మరో సినిమా చేయాలని అనుకున్నా. అప్పుడు సతీష్ ఈ సీతా కళ్యాణ వైభోగమే కథను చెప్పారు.
Mahesh Babu: దట్ ఈజ్ మహేష్.. అభిమాని పిల్లల్ని దత్తత తీసుకోని ఆపై..
కథ విన్న వెంటనే నాకు చాలా నచ్చి ప్రయాణం మొదలైంది. సుమన్ తేజ్, గరీమ చౌహన్ తెరకు కొత్త వాళ్లు. న్యూ టాలెంట్‌ను ఎంకరేజ్ చేయాలనే ఉద్దేశంతోనే ఈ సంస్థను ప్రారంభించా. అందుకే కొత్త వాళ్లతోనే సినిమా తీయాలని అనుకున్నా. ఇక ఈ మూవీలో విలన్‌గా కనిపించిన గగన్ విహారి నటన గురించి అందరూ మాట్లాడుకుంటారు. రీసెంట్‌గానే గగన్ విహారి గ్యాంగ్స్ ఆఫ్ గోదావరిలో విలన్‌గా నటించి మెప్పించారు. రాముడ్ని ఏ తరంలో అయినా కొలుస్తాం. అలానే ఈ సినిమాని ఏ తరం ఆడియన్స్ అయినా మెచ్చుకుంటారు. అయినా ఇప్పుడు కథలు బాగుంటే సినిమాను ప్రేక్షకులు ఆదరిస్తున్నారు. మా సినిమా కథ మీద నాకు నమ్మకం ఉందని అన్నారు.